दहावी-बारावीच्या परीक्षा ऑनलाइन पद्धतीने घ्या - A

जगभरात सध्या असलेल्या कोविड संसर्गामुळे शिक्षण पद्धती ही ऑनलाइन करण्यात आली आहे. तसेच सर्व उच्चशिक्षित विद्यार्थ्यांच्या परीक्षा या ऑनलाइन पद्धतीने घेण्यात आल्या आहेत. मात्र दहावी व बारावीच्या परीक्षा या ऑफलाइन पद्धतीने घेण्यात येतील, असा निर्णय राज्य सरकारने घेतलेला आहे. परंतु सद्य:स्थितीत हे शक्य होईल, असे आता तरी वाटत नाही. ठिकठिकाणी विद्यार्थ्यांनी राज्यभर आंदोलने केली आहेत. परंतु, राज्य सरकारने अद्याप याबाबत कसल्याही प्रकारचा निर्णय जाहीर केला नाही. एकंदरीतच सर्व कोविड परिस्थिती पाहून राज्यातील विद्यार्थी व पालक चिंतेत असताना राज्य सरकारचा हा निर्णय नक्कीच विद्यार्थ्यांकरिता धोकादायक ठरेल, असे मत वैभव लोमटे, अभिजित मस्के आणि विशाल फाळके यांनी दिलेल्या निवेदनात व्यक्त केले आहे.