होळ येथे दीड लाखांची चोरी

केज : तालुक्यातील होळ येथे शेतकऱ्याच्या घरातून चोरट्यांनी राेख ५० हजार रुपयांसह १ लाख ५४ हजार रुपयांचे सोन्याचे दागिने लंपास केले. ही चोरीची घटना ६ एप्रिल रोजी घडली. याप्रकरणी युसुफवडगाव पोलीस ठाण्यात गुन्हा दाखल करण्यात आला आहे.

केज तालुक्यातील होळ येथील नवनाथ लक्ष्मण लाटे यांचे घर हे केज रस्त्यालगत आहे. दिनांक ६ एप्रिलच्या पहाटे चोरट्यांनी लाटे यांच्या घरातील कपाट तोडून कपाटात ठेवलेल्या रोख ५० हजार रुपयांसह १० ग्रॅमच्या दोन गंथन, १५ ग्रॅमचे दोन झुंबर जोड, ७ ग्रॅमची बोरमाळ, १० ग्रॅमची सोन्याची अंगठी असा एकूण १ लाख ५४ हजार रुपयांचा ऐवज चोरून नेला. सकाळी उठल्यानंतर चोरी झाल्याचे उघडकीस आले. त्यानंतर युसूफवडगाव पोलीस ठाण्यात नवनाथ लाटे यांच्या तक्रारीवरून चोरीचा गुन्हा दाखल करण्यात आला आहे. अधिक तपास सहाय्यक पोलीस निरीक्षक दहिफळे करत आहेत.