रखडलेल्या सिंदफणा ते शिरूर रस्ता कामाला सुरूवात

बीड उस्मानाबाद लातूर विधानपरिषदेचे आ. सुरेश धस यांनी सांगताच सार्वजनिक बांधकाम विभागाने तत्काळ कंत्राटदाराला सांगून सिंदफणा ते शिरूर कासार रस्त्याचे रखडलेले काम सुरु झाले असून या परिसरातील लोकांनी समाधान व्यक्त केले आहे.

तालुक्यातून दोन महामार्ग बरोबर शिरूर कासार ते जाटनांदूर या रस्त्याच्या कामाच्या निविदा निघून चार महिने उलटले तरी फक्त सिंदफणा ते जाट नांदूर रस्त्याचे काम चालू झाले मात्र सिंदफणा ते शिरूर रस्त्याचे काम दुसऱ्या कंत्राटदाराकडे असल्याने त्याला विलंब झाला. ही बाब आ. सुरेश धस यांच्या निदर्शनास आली व त्यांनी तालुक्यातून जात असलेल्या पैठण ते पंढरपूर, नवगण राजुरी ते चिंचपूर इजदे हे महामार्ग व शिरूर ते सिंदफणा या कामाविषयी आवाज उठवल्याने गेल्या सहा महिन्यापासून बंद असलेले काम सुरु झाले आहे. पावसाळा सुरु होण्याअगोदरच पूर्णत्वास जावे, अशी सर्वसामान्यांनी इच्छा व्यक्त केली असून आ. सुरेश धस यांचे आभार मानले आहेत.

===Photopath===

170521\vijaykumar gadekar_img-20210516-wa0023_14.jpg