July Born Astro: जुलै मध्ये जन्मलेल्या व्यक्तींचे दोष गुण पाहून तुम्हीच म्हणाल, 'यांचा काही नेम नाही!'

July Born Astro: अंकशास्त्रानुसार व्यक्तीच्या जन्मतारखेवरून भाकीत वर्तवले जाते, तसे महिन्यावरून स्वभाव वैशिष्ट्यही सांगितले जाते; जुलै वाल्यांचे भविष्य पाहू!

जुलै महिन्यात जन्मलेल्या लोकांना समजून घेणे, हे अवघड काम आहे. हे लोक अत्यंत गूढ विचारांचे आणि स्वभावाने मनस्वी असतात. त्यांच्या वागण्याबोलण्याचा थांगपत्ता लागू देत नाहीत. घटकेत आनंदी घटकेत दु:खी होत भावभावनांच्या लाटांवर स्वार होत राहतात. याच भावनिक आवेगामुळे आणि संवेदनशील स्वभावामुळे हृदयाने कोमल असतात. प्रसंगी हळवे होतात.

आयुष्याकडे बघण्याचा दृष्टीकोन स्पष्ट असल्याने करिअर बाबतील ध्येय निश्चित असत़े  निर्णयप्रक्रियेत फार काळ न घालवता, त्वरित निर्णय घेऊन मोकळे होतात. त्यामुळे कोणासाठी, कोणामुळे झुरत बसणे हे तुमच्या स्वभावातच नसते. अशा प्रकारच्या मोठ्या मानसिक ताणातून तुम्ही मुक्त असता. कुठे काय, किती आणि कसे बोलावे, हे तुमच्याकडून शिकावे. स्वभाव चंचल आणि रागाच्या बाबतीत जमदग्नीचा अवतार असलात, तरीदेखील तुमचा राग फार तर अर्ध्या तासात शांत होतो. काही काळात राग विसरून तुम्ही इतके सरळ वागता, की जसे काही घडलेच नाही.

हे लोक घरच्यांचे प्रिय असतात. त्यांच्या ठायी असलेल्या प्रतिभेमुळे मित्रपरिवारातही ते हवेहवेसे वाटतात. तसे असले, तरी तुमचा स्वभाव थोडा मुत्सद्दीपणा, स्वार्थीपणा याकडे झुकतो. तुम्ही स्वार्थापुरते दुसर्यांना वापरून घेता. जे कामाचे नाहीत, त्यांच्याशी तुम्ही मैत्रीच काय, ओळखही ठेवत नाहीत. 

कामात तरबेज असूनही तुमचा आळस तुम्हाला नडतो. मनात आणले, तर तुम्ही तुम्हाला हवे ते सहज मिळवू शकता. या महिन्यात जन्मलेले लोक साधारणपणे खेळाडू किंवा व्यावसायिक म्हणून ओळख बनवतात. शेअर मार्केट मध्ये त्यांना रस असतो आणि लाभही मिळवतात. व्यावहारिक गणितात कच्चे असले, तरीही नातेसंबंधांचे गणित अतिशय उत्कृष्टपणे सांभाळतात. पैशांची कमतरता कधी जाणवत नाही आणि पैसे खर्च करताना ते फार विचारही करत नाहीत. त्यांना उच्च राहणीमान आवडते.

व्यक्तीपारख करण्याची क्षमता त्यांच्याकडे असल्यामुळे प्रेमाच्या बाबतीत त्यांची सहसा फसवणूक होत नाही. ते क्वचितच कोणाच्या प्रेमात पडतात आणि ज्याच्याशी नाते जोडतात, त्याच्याशी नाते निभावतात. जोडीदार फसवणूक करत असेल, तर ते लगेच सावध होतात. त्यांच्या आकर्षक व्यक्तिमत्त्वामुळे त्यांना दुसऱ्याला आकर्षित करण्यासाठी विशेष प्रयत्न करावे लागत नाहीत. प्रेम मिळवण्याच्या बाबतीत ते भाग्यवान ठरतात.

या महिन्यात जन्मलेल्या व्यक्तींना समाजसेवेची आवडही दिसून येते. त्यात यश आणि लौकिकदेखील प्राप्त होता़े लोकसंग्रह होतो. हे लोक अपयशाने खचून जात नाहीत. कितीही कठीण प्रसंग असो, धैर्याने तोंड देतात. त्यांच्या ओठावरचे हसू तसूभरही कमी होऊ देत नाहीत. सुरुवातीलाच म्हटल्याप्रमाणे त्यांच्या मनात काय सुरू आहे, याचा समोरच्याला अदमास लागू देत नाहीत. यशस्वी आणि समाधानी आयुष्य जगतात. 

या महिन्यात जन्मलेल्या प्रसिद्ध व्यक्ती : देवेंद्र फडणवीस, उद्धव ठाकरे, अजित पवार,  प्रियंका चोप्रा, महेंद्रसिंग धोनी, दलाई लामा, अझिम प्रेमजी, पी.व्ही.सिंधू, जे.आर.डी टाटा, सोनू निगम, इ