Lunar Eclipse 2024: येत्या चंद्रग्रहणात 'या' चार राशींना बाळगावी लागेल कमालीची सावधगिरी; अन्यथा...

Lunar Eclipse 2024: १८ सप्टेंबर रोजी चंद्रग्रहण आहे, आणि त्याचदिवसापासून महालयारंभ होत आहे; त्यामुळे दिलेल्या चार राशींनी विशेष काळजी घेणे महत्त्वाचे आहे!

वर्षातील दुसरे आणि शेवटचे चंद्रग्रहण (Lunar Eclipse 2024) होणार आहे. यंदा पितृ पक्षाची (Pitru Paksha 2024)सुरुवात चंद्रग्रहणाने होत आहे. हे ग्रहण भारतातून दिसणार नाही त्यामुळे ग्रहणाचे नियम पाळण्याची आवश्यकता नाही, मात्र चंद्रग्रहणाचा प्रभाव चार राशींवर नकारात्मक पडण्याची शक्यता आहे. त्या राशी कोणत्या आणि त्यांनी काय काळजी घ्यायची ते जाणून घेऊ.  

जेव्हा चंद्र, सूर्य आणि पृथ्वी एका सरळ रेषेत येतात आणि सूर्यप्रकाश पृथ्वीवर पडतो परंतु चंद्रावर नाही, तेव्हा चंद्रग्रहण होते. म्हणजे चंद्र काही काळासाठी पूर्णपणे किंवा अंशतः नाहीसा होतो. खगोलशास्त्रात चंद्रग्रहण आणि सूर्यग्रहण खूप महत्वाचे मानले जाते. हिंदू धर्म आणि ज्योतिष शास्त्रामध्ये ग्रहण अशुभ मानले जाते, त्यामुळे ग्रहण काळात कोणतेही शुभ किंवा शुभ कार्य केले जात नाही. ग्रहणाच्या काही तास आधी सुतक कालावधी सुरू होतो. हिंदू धर्मातील पितृ पक्षाच्या १५ दिवसांमध्ये पूर्वजांच्या आत्म्याच्या शांतीसाठी. श्राद्ध, तर्पण, पिंड दान इत्यादी विधी केले जातात. यावर्षी पितृ पक्षाच्या सुरुवातीला चंद्रग्रहण होत असून शेवटच्या दिवशी अर्थात सर्वपित्री अमावस्येला (Sarvapitri Amavasya 2024) सूर्यग्रहण (Solar Eclipse 2024) होत आहे. त्यामुळे हा काळ काहीसा नकारात्मक ऊर्जा वाढवणारा ठरू शकतो असे मत ज्योतिष तज्ज्ञांनी व्यक्त केले आहे. 

भारतात चंद्रग्रहण कधी होईल? 
 
या वर्षातील दुसरे चंद्रग्रहण १८ सप्टेंबर २०२४ रोजी भाद्रपद पौर्णिमेला आणि पितृ पक्षातील पहिल्या दिवशी होत आहे. ते भारतातून दिसणार नसले तरी जनजीवनावर मोठा परिणाम होण्याची शक्यता वर्तवली जात आहे. 

चार राशींनी राहावे सावधान!
 
१८ सप्टेंबर २०२४ रोजी वर्षातील दुसरे चंद्रग्रहण चार राशींवर शुभ आणि अशुभ प्रभाव टाकेल. यापैकी हे चंद्रग्रहण मेष, सिंह, मकर आणि मीन राशीच्या लोकांसाठी त्रासदायक ठरू शकते. या लोकांना अपमान, आर्थिक नुकसान किंवा अपघाताला सामोरे जावे लागू शकते. त्यामुळे चंद्रग्रहणाच्या दिवशी आणि एकूणच पितृपक्षात या राशीच्या लोकांनी काळजी घ्यावी. उदाहरणार्थ, विनाकारण कोणाशीही संबंध ठेवू नका, आर्थिक व्यवहार विचारपूर्वक करा. वाहन चालवताना काळजी घ्या, वाहतुकीचे नियम मोडण्याची चूक करू नका, इ. 

चंद्रग्रहणाचे अशुभ परिणाम टाळण्याचे उपाय 
 
चंद्रग्रहण यथाशक्ती दानधर्म करा. इष्ट देवाचें स्मरण तसेच गरजूंना मदत करा. ग्रहण काळात घराबाहेर पडू नका. तसेच पितृपक्षात पितरांचे श्राद्धविधी यथोचितपणे पार पाडून त्यांना नैवेद्य दाखवून त्यांचे आशीर्वाद मिळवा, जेणेकरून तुम्हाला होणारा त्रास कमी प्रमाणात जाणवेल. 

( सदर माहिती सामान्य गृहीतके आणि ज्योतिषीय मान्यतांवर आधारित असून, यासंदर्भात तज्ज्ञ व्यक्तींचा सल्ला घेणे उपयुक्त ठरू शकेल, असे सांगितले जात आहे.)