'मन करा रे प्रसन्न', पण कसे? हे सांगणार आहेत डॉ. राजीमवाले लोकमत भक्तीच्या live चर्चासत्रात!

हे चर्चासत्र मन लावून ऐकायला अजिबात विसरू नका, १८ एप्रिल रात्री ८ वाजता लोकमत भक्ती या युट्युब चॅनेलवर. 

कोणतेही काम मन लावून करा, मन सांगेल तेच ऐका, मनात जे असेल ते नक्कीच होईल अशा न दिसणाऱ्या मनावर आपण कितीतरी अवलंबून आहोत. पण या मनाचा ठावठिकाणा शोधावा म्हटले, तर ते जागेवर नसतेच. अशा चंचल मनाला एका जागी कसे ठेवावे आणि आणि मनाला मंदिराचा गाभारा कसे बनवावे, याचे मार्गदर्शन करणार आहेत, डॉ. पुरुषोत्तम राजीमवाले. १८ एप्रिल २०२१ रोजी रात्री ८ वाजता अभिनेत्री अर्चना निपाणकर त्यांच्याशी संवाद साधणार आहेत. 

डॉ. पुरुषोत्तम राजीमवाले हे शिवपुरी अक्कलकोटचे परम सद्गुरु श्री गजानन महाराज यांचे नातू आहेत. तसेच ते अक्कलकोट येथील श्री स्वामी समर्थ गुरूंच्या वंशातील आहेत. राजीमवाले कुटुंब मध्य भारतातील महाकोसल येथील राजेशाही कुटुंब म्हणून ओळखले जाते. १८०० सालापासून जनकल्याणासाठी झटण्याची परंपरा या कुटुंबाला लाभली आहे. 

अक्कलकोट येथे अग्निहोत्राच्या प्राचीन सर्वोत्तम प्रथेचे डॉ. पुरुषोत्तम यांनी पुनरुज्जीवन केले आणि उपचार, शांतीचा संदेश जगाला देण्यासाठी शिवपुरीच्या आश्रमाची स्थापना केली. त्यांनी आपले संपूर्ण बालपण अक्कलकोटच्या मठात आध्यात्मिकदृष्ट्या भारावलेल्या वातावरणात, महान योगी व संतांसोबत व्यतीत केले आहे. तसेच त्यांचे वडील श्रीकांतजी महाराज यांच्या मार्गदर्शनाखाली त्यांनी गुरु परंपरेनुसार प्राचीन विद्या आत्मसात केली. डॉ. पुरुषोत्तम यांच्या वडिलांनी संस्कृतमध्ये पीएचडी करताना वैदिक साहित्यात विशेषज्ञता प्राप्त केली होती. वडिलांकडून वेदाभ्यासाचे धडे घेत त्यांनी आयुर्वेद, योग ते तत्वज्ञान आणि वैदिक विज्ञान इ. विषयांचाही अभ्यास केला. समग्र दृष्टिकोन ठेऊन, निसर्गाच्या सानिध्यात राहत आरोग्य व निरोगी आयुष्य कसे जगायचे, याची प्राचीन शिकवणी त्यांनी घेतली.

तर हे चर्चासत्र मन लावून ऐकायला अजिबात विसरू नका, १८ एप्रिल रात्री ८ वाजता लोकमत भक्ती या युट्युब चॅनेलवर.