Sade Sati Mantra: साडेसातीवाल्यांनी अंघोळ करताना म्हणा 'हा' पावरफुल मंत्र; शनी पीडा कमी होणारच!

Sade Sati Mantra: साडे साती या शब्दानेच अनेकांची गाळण उडते, अशा साडेसातीच्या काळात शनी पीडा कमी व्हावी म्हणून दिलेला उपाय आवर्जून करा!

>> सचिन मधुकर परांजपे (पालघर) 

ज्या राशींना साडेसाती/अडिचकी सुरु आहे अशा राशी म्हणजे मकर, कुंभ आणि मीन (साडेसाती) तर वृश्चिक आणि कर्क (अडिचकी)... जर तुम्हाला तीव्र आर्थिक समस्या जाणवत असतील तर एक अफाट मंत्र देतो. हा मंत्र लक्ष्मीचा आहे. साडेसाती अडिचकी असणाऱ्यांनी दररोज आंघोळ करताना म्हणजे पहिला तांब्या अंगावर घेतल्यापासून किंवा शॉवर सुरु केल्यापासून शेवटपर्यंत या मंत्राचा जप कंटिन्यू करावा. अक्षरशः कोणतेही बंधन नाही...

साडेसाती अडिचकी ज्यांना नाही, अशांनी जप केला तरी हरकत नाही. पण साडेसाती अडिचकी वाल्या मंडळींनी आवर्जून करायचाच.... शनिपीडेने येणाऱ्या आर्थिक समस्यांची तीव्रता खूप कमी होते, कर्जाचे ओझे कमी व्हायला मदत होते, येणी वसूल होतात आणि बरंच काही छान घडतं...

मंत्र :

चतुरंग-बलोपेतां धनधान्य-सुखेश्वरीम् ।
अश्वारूढामहं वन्दे राजलक्ष्मीं हिरण्मयीम् ॥

शनि महाराज इतके प्रभावी असतात की विचारुच नका. साडेसाती भरमसाठ नडली असेल, तरी हा सोपा मंत्र पाठ करुन आठवणीने म्हणायची साधी बुध्दीही होत नाही. जे लोक मनापासून याचे पठण करतात त्यांचे खरोखरीच कल्याण होते. सकाळी बाथरुममधे पाऊल टाकताक्षणी आता आपल्याला जप करायचा आहे हे स्मरणात ठेवा...