Vastu Shastra: वैयक्तिक, व्यावसायिक अडचणींवर मिळवा वास्तुशास्त्रज्ञांचा मोफत सल्ला 'लोकमत भक्ती'वर!

Vastu Shastra: २९ जुलै पासून श्रावणाच्या मुहूर्तावर दर शुक्रवारी वास्तूतज्ञ डॉ. रविराज अहिरराव दुपारी ३ वाजता आपल्या भेटीला लोकमत भक्ती युट्युब चॅनेलवर येत आहेत.

वास्तूदोष, कलह, अडचणी, समस्या, आर्थिक हानी, आरोग्य हानी असे शब्द ऐकले की आपली भंबेरी उडते. सल्ला घ्यावा तर कोणाचा नि कसा हा प्रश्न पडतो. वास्तू तज्ज्ञांकडे जावे, तर नेमके कोणकोणते प्रश्न घेऊन? अशा सगळ्या विचारांनी तुम्हीदेखील चक्रावून गेले असाल, तर एक शुभ वार्ता तुमच्यासाठी! 

येत्या शुक्रवार पासून अर्थात २९ जुलै पासून श्रावणाच्या मुहूर्तावर दर शुक्रवारी वास्तूतज्ञ डॉ. रविराज अहिरराव दुपारी ३ वाजता आपल्या भेटीला लोकमत भक्ती युट्युब चॅनेलवर येत आहेत. तिथे आपल्याला वैयक्तिक तसेच व्यावसायिक अडचणींवर तोडगे जाणून घेता येणार आहेत, ते ही अगदी मोफत!

आयुष्यात अडचणी येतात. आपण त्याचा सामनाही करतो. मात्र परिस्थिती जेव्हा हाताबाहेर जाते तेव्हा आपण देव आणि दैवावर हवाला टाकतो आणि शक्य तेवढे मार्ग धुंडाळतो. येनकेनप्रकारेण आपल्याला समस्येचे समाधान हवे असते आणि ते सापडतेही. ज्योतिष शास्त्र, वास्तु शास्त्र, मानस शास्त्र अशा अनेक शाखांचा उगम याच गरजेतून झाला आहे. ही शास्त्र विकसित होऊन त्याच्या शाखा विस्तारल्या गेल्या. अशाच एका शाखेचे अभ्यासक वास्तूतज्ञ डॉ. रविराज अहिरराव आपल्या प्रश्नांची उत्तरे देण्यासाठी आपल्या भेटीला येत आहेत, तर ही संधी दवडू नका. या संधीचा आपण लाभ घ्या आणि इतरांनाही याबद्दल माहिती द्या. तर भेटूया २९ जुलै पासून दर शुक्रवारी दुपारी ३ वाजता आपल्या लोकमत भक्ती युट्युब चॅनेलवर आणि लोकमत भक्ती फेसबुक पेजवर!