भंडारा जिल्ह्याला पुन्हा अवकाळीचा फटका, झाड उन्मूळून घरावर कोसळले

शेतपिकांच नुकसान

इंद्रपाल कटकवार

भंडारा : जिल्ह्यात महिन्याभरात चौथ्यांदा पुन्हा अवकाळी पावसाचा फटका बसला आहे. जिल्ह्यात काही भागात मुसळधार पावसासह गारपिटीचाही तडाखा बसला.

जिल्ह्यातील भंडारासह तुमसर, लाखनी, मोहाडी, पालांदूर, अड्याळ, पवनी व साकोली येथे पावसाने चांगलीच हजेरी लावली. ग्रामीण क्षेत्रात आठवडी बाजार असल्याने या पावसाचा प्रभाव जाणवला. आलेल्या वादळामुळे अनेक कच्च्या घरावरील टीन व कवेलू उडाले. मोहाडी येथे झाड उन्मूळून घरावर कोसळले. सुदैवाने यात कुठलीही जीवितहानी झाली नाही. या पावसाचा मात्र भाजीपाला पिकांवर विपरीत परिणाम जाणवेल हे नक्की.