शेतकऱ्यांच्या प्रश्नांवर खापा चौकात रस्ता रोको

तुमसर-मोहाडी तालुक्यातील धान खरेदी केंद्र सुरू करण्यात यावे, खरीप हंगामात खरेदी करण्यात आलेल्या धानाचे बोनस शेतकऱ्यांना तत्काळ देण्यात यावे. १ मे पासून ३० जूनपर्यंत सातबारा ऑनलाईन करण्यात आलेल्या शेतकऱ्यांचे धान खरेदी करणे बंधनकारक नाही ही अट शिथिल करावी, घेऊन बाजार समितीत धान्य खरेदी केंद्र सुरू करण्याची परवानगी द्यावी आदी मागण्यांसाठी सोमवारी दुपारी १२ वाजता भाजपच्या वतीने खापा चौकात रस्ता रोको आंदोलन करण्यात आले.

या आंदोलनाचे नेतृत्व खा. सुनील मेंढे, माजी आ. चरण वाघमारे, भाजप जिल्हाध्यक्ष शिवराम गिरीपुंजे, भाजप नेते मो. तारीक कुरेशी यांनी केले. यावेळी मोठ्या संख्येने शेतकरी उपस्थित होते. आंदोलनकर्त्यांना पोलिसांनी ताब्यात घेऊन स्थानबद्धतेची कारवाई करून त्यांची सुटका केली. यावेळी मोठ्या संख्येने पोलीस बंदोबस्त तैनात करण्यात आला होता.