चांदपूर ग्रीनव्याली येथील मुख्य कालव्यात आढळला मृतदेह

चुल्हाड (सिहोरा) : चांदपूर झालाशयाच्या मुख्य कालव्यात रविवारी सकाळी १० वाजताच्या मृतदेह आढळल्याने एकच खळबळ उडाली. घटनेची माहिती मिळताच सिहोरा पोलिसांनी घटनास्थळ गाठून मृतदेह बाहेर काढला. प्रकाश कटरे (५०) रा. चिचोली (बघेडा ) असे मृताचे नाव आहे.

प्रकाश कटरे हे आठ दिवसापासून बेपत्ता असल्याची तक्रार तुमसर पोलीस ठाण्यात नातेवाईकांनी दिली होती. शोधाशोध सुरु असतांना रविवारी सकाळी १० वाजता चांदपूर येथील लोकांना मुख्य कालव्यात मृतदेह आढळला. सिहोरा पोलिसांना माहिती मिळताच ठाणेदार नारायण तुरकुंडे हे ताफासह घटनास्थळ गाठून ढिवरबांधवाना पाचारण करून मृतदेह बाहेर काढण्यात आले. मृतदेह अक्षरशः कुजलेल्या अवस्थेत होता. मृतदेहाची तपासणी केली असता त्यांच्याकडून एक मोबाईल, काही पैसे, तर जवळील एका इलेक्ट्रिक दुकानाच्या बिलावरील नावावरून ओळख पटण्यात मदत झाली.

दोन वर्षापूर्वी मृताच्या पत्नीने त्रासाला कटाळून आत्महत्या केल्याची घटना घडली होती. प्रकाशेने दिवाळीमध्ये आठ लाखामध्ये शेत जमीन विकली होती. मित्रमंडळी सोबत रोजच ओल्या पार्ट्या करायच्या अशी माहिती प्राप्त आहे. शेतजमीन विकणे, घरी पत्नी यांनी आत्महत्या करणे. मृताला मुलबाळ नसणे या मानसिक विवचंनेत होता. मात्र तो चांदपूर ला कशाने आला? त्यांच्यासोबत कुणी मित्र होते काय? त्यांनी आत्महत्या केली की कुणी घातपात तर केला ना ही? अशा चर्चेला सध्या उधाण आले आहे. मात्र या साऱ्या प्रश्नाचे उत्तर पोलीस चौकशीअंती कळणार आहे. यावेळी घटनास्थळाला उपविभागीय पोलीस अधिकारी आनंद बिसेन यांनी भेट दिली. सध्या पो. स्टे. सिहोरा येथे मर्ग दाखल करण्यात आला? असून पुढील तपास ठाणेदार नारायण तुरकुंडे यांच्या मार्गदर्शनात पोलीस नायक मनोज इळपाचे करीत आहे.