काँग्रेसच्या नवनिर्वाचित जि.प. व पं.स. सदस्यांचा सत्कार

तालुक्यातील केसलवाडा (वाघ) येथे जिल्हा परिषद व पंचायत समितीत काँग्रेसच्या नवनिर्वाचित सदस्यांचा सत्कार सोहळा...

लाखनी : तालुक्यातील केसलवाडा (वाघ) येथे जिल्हा परिषद व पंचायत समितीत काँग्रेसच्या नवनिर्वाचित सदस्यांचा सत्कार सोहळा माजी आमदार सेवक वाघाये यांच्या उपस्थितीत पार पडला. यावेळी तालुक्यातील अनेक ग्रामपंचायतीतील सरपंच व पदाधिकारी तसेच काँग्रेसचे पदाधिकारी व कार्यकर्ते उपस्थित होते.
सत्कारमुर्तीमध्ये शुद्धमता नंदागवळी, मनोहर राऊत, प्रदीप बुराडे, प्रणाली ठाकरे, रमेश डोंगरे, संगीता ठाकरे, गुलाब कापसे, तृप्ती मातेरे, मंगला बगमारे, वासूदेव तोंडरे, टिकाराम मडावी, राजेंद्र ठाकरे, मंदा गणवीर, होमराज कापगते, अशोक कापगते, रेखा वासनिक, राजकुमार पुराम, लालचंद लोढे, जनार्दन डोंगरवार, ज्ञानेश्वर रहांगडाले, हेमंत कोरे, वंदना पंधरे, विनायक बुरडे, भाग्यश्री गिरोलकर, मोरेश्वरी पटले, मुनिश्वर नंदेश्वर, रजनी आत्राम, घनश्याम देशमुख, खुशाल गिदमारे, रविंद्र खोब्रागडे, मोनाली गाढवे, विजय कापसे तसेच अर्बन बँकेचे नवनिर्वाचित संचालक दिनेश गिरेपुंजे यांचा समावेश होता. यावेळी सेवक वाघाये यांनी नवनिर्वाचित सदस्यांना नागरिकांच्या समस्या सोडविण्यासाठी यथोचित प्रयत्न करण्याचे आवाहन केले. मतदारांनी विश्वासाने काँग्रेसला मतदान केले आहे. त्यांच्या विश्वासाची सदस्यांनी पुर्तता करून येणाऱ्या काळात केंद्रासह राज्यात काँग्रेसप्रणीत सरकार स्थापित करण्याचे आवाहन वाघाये यांनी केले. कार्यक्रमाचे संचालन शिवदास गायधने प्रास्ताविक जितेंद्र भदाडे तर आभार प्रदर्शन राजू निर्वाण यांनी केले. (तालुका प्रतिनिधी)