लसीकरणासाठी ज्येष्ठांच्या सेवेत दाेन बसेस

भंडारा शहरात जिल्हा सामान्य रुग्णालयानंतर नगर परिषदेच्या नागरी प्राथमिक आराेग्य केंद्रात लसीकरणाची सुविधा उपलब्ध करून देण्यात आली आहे. याठिकाणी वृद्धांना बसण्याची व्यवस्था करण्यात आली असून, शामियाना टाकण्यात आला आहे. पिण्याच्या पाण्याचीही व्यवस्था असून, तेथे दाेन स्वयंसेवक ज्येष्ठांना सहकार्य करीत आहेत. शनिवारी जिल्हाधिकारी संदीप कदम यांनी या लसीकरण केंद्राला भेट देऊन पाहणी केली. शनिवारी तब्बल दाेनशे नागरिकांना काेराेना लस देण्यात आली. नाेडल अधिकारी डाॅ. मनिषा कुंभारे यांच्या मार्गदर्शनात राहूल देशमुख, संग्राम कटकवार आणि नगर परिषदेचे कर्मचारी यासाठी सहकार्य करीत असल्याची माहिती मुख्याधिकारी विनाेद जाधव यांनी दिली.

बाॅक्स

प्रत्येक वाॅर्डात काेराेना चाचणी सुविधा

भंडारा शहरातील प्रत्येक वाॅर्डात राेटेशन पद्धतीनुसार काेराेना चाचणी सुविधा उपलब्ध करून दिली जाणार आहे. दरराेज एक हजार नागरिकांची चाचणी घेण्याचे उद्दिष्ट आहे. भंडारा शहरात वाढता काेराेना प्रादुर्भाव राेखण्यासाठी नगर परिषदेने पुढाकार घेतला असून, लसीकरणासाठी पुढे येण्याचे आवाहन केले आहे.

काेट

ज्येष्ठ नागरिकांच्या लसीकरणासाठी नगर परिषदेने निशुल्क बसची व्यवस्था केली आहे. नागरिकांनी लसीकरणासाठी पुढे यावे, यासाठी नगरसेवक सहकार्य करीत आहेत. परिसरातील नागरिकांनीही पुढाकार घेऊन वृद्धांना लसीकरणासाठी मदत करावी.

- विनाेद जाधव

मुख्याधिकारी भंडारा.