तालुक्यातील नवनिर्वाचित ११ ग्रा.पं.च्या सरपंच-उपसरपंचाची निवड

आरक्षित उमेदवाराअभावी दोन ग्रा.पं.चे सरपंच पद रिक्त

लाखांदूर : गत जानेवारी महिन्यात लाखांदूर तालुक्यात झालेल्या दोन टप्प्यात तालुक्यातील ११ ग्रा.पं. च्या सरपंच उपसरपंचांची निवड करण्यात आली आहे. मात्र सदर निवड प्रक्रियेत तालुक्यातील दोन ग्रा.पं. सरपंच पद अनु. जमाती महिलासाठी आरक्षित होताना संबंधित ग्रा.पं. अंतर्गत महिला उमेदवार निर्वाचित न झाल्याने तालुक्यास्तील दोन ग्रा.पं.चे सरपंच पद पुढील आरक्षण सोडतीपर्यंत रिक्त ठेवण्यात आल्याची माहिती आहे.

प्राप्त माहिती नुसार लाखांदूर तालुक्यात गत जानेवारी महिन्यात ११ ग्रा.पं.च्या सार्वत्रिक निवडणूक घेण्यात आली होती. सदर निवडणूक प्रक्रिया आटोपताच तालुक्यातील सर्वच ६२ ग्रा.पं.चे पुढील पाच वर्षासाठी सरपंच पदाचे आरक्षण सोडत जाहीर करण्यात आली होती. सदर सोडत ५० टक्के महिला आरक्षण कायम ठेवून सर्वच प्रवर्गनिहाय काढण्यात आली होती. गत १२ फेब्रुवारी रोजी पहिल्या टप्प्यात तालुक्यातील ५ नवनिर्वाचित ग्रा.पं. सरपंच-उपसरपंचाची निवड करण्यात आली होती. त्यानुसार तालुक्यातील मान्देड/ सावरगाव येथे सरपंच-सुलभा बुरडे तर उपसरपंच-मनोज भर्रे, कोच्छी/ दांडेगाव सरपंच-सुरेखा देसाई, उपसरपंच- मुरली वावरे, गुन्जेपार (किन्ही) सरपंच-वर्षा तोंडरे, उपसरपंच-मनोहर कुटे, कन्हाळगाव/ चिचगाव सरपंच-कांता तलमले, उपसरपंच -नंदू पिलारे व पारडी सरपंच-शिवशंकर चव्हारे, उपसरपंच-गीता शहारे तर १५ फेब्रुवारी रोजी घेण्यात आलेल्या उर्वरित ६ ग्रा.पं. च्या सरपंच उपसरपंच निवडणुकीत दोन ग्रा.पं. अंतर्गत अनु. जमाती प्रवर्गातत महिला उमेदवार उपलब्ध न झाल्याने दोन्ही ग्रा.पं.चे सरपंच पदे रिक्त ठेवण्यात आली. तर केवळ उपसरपंचांची निवड करण्यात आली. त्यानुसार तालुक्यातील चिचाळ/कोदामढी सरपंच-रिक्त, उपसरपंच-लक्ष्मण जांगळे, मुर्झा सरपंच-रिक्त उपसरपंच-राहुल उके आदींची निवड करण्यात आली.

दरम्यान, उर्वरित ४ ग्रा.पं.च्या सरपंच उपसरपंच पदाची निवडदेखील करण्यात आली. त्यामध्ये चिचोली/अंतरगाव-सरपंच-प्रमोद प्रधान, उपसरपंच-प्रशांत मेश्राम, पुयार सरपंच-शैलेश रामटेके, उपसरपंच -उत्तरा मेश्राम, सोनी/इंदोरा सरपंच -कुंता शहारे,उपसरपंच-पुरुषोत्तम तलमले व बेलाटी येथे सरपंच-सचिन शिवनकर तर उपसरपंच म्हणून रामटेके नामक महिलेची निवड करण्यात आली. दरम्यान, तालुक्यात नवनिर्वाचित ११ ग्रा.पं.च्या सरपंच-उपसरपंच निवडणुकीच्या दोन्ही टप्प्यात कोणतीही अनुचित प्रकार घडला नाही, हे विशेष.