आगीत चार घरे जळाली

तालुक्यातील मोहरणा येथे चार घरांना आग लागून सुमारे पाच लाखांहून अधिक रूपयांचे नुकसान झाले. ही घटना सोमवारला दुपारी घडली.

मोहरणा येथील घटना : संसारोपयोगी साहित्य भस्मसात
लाखांदूर : तालुक्यातील मोहरणा येथे चार घरांना आग लागून सुमारे पाच लाखांहून अधिक रूपयांचे नुकसान झाले. ही घटना सोमवारला दुपारी घडली. यात हरिदास सूर्यवंशी, प्रभाकर सूर्यवंंशी, राम सूर्यवंंशी, वसंता सूर्यवंंशी या चार भावंडांची घरे जळाली आहे.
दुपारी रखरखत्या उन्हात हरिदास सूर्यवंंशी यांच्या घराला अचानक आग लागल्यानंतर गावकऱ्यांनी आग विझविण्याचा प्रयत्न केला. मात्र आगीचा जोर जास्त असल्याने आणि घरे एकमेकांना लागून असल्याने आग विझविणे आटोक्यात आणता आले नाही.
शेजारी असलेले प्रभाकर सूर्यवंंशी, राम सूर्यवंंशी, वसंता सूर्यवंंशी यांच्याही घरांना आग लागली. त्यात संसारोपयोगी साहित्य जळून खाक झाले.
सदर घटनेची माहिती गावात होताच गावकऱ्यांनी घटनास्थळी धाव घेऊन आग विझविली, पण तोपर्यंत घरातीले सामान खाक झाले. त्यात चारही भावंडांचे पाच लाखांहून अधिक रूपयांचे नुकसान झाले. हरिदास सूर्यवंंशी यांच्या घरातील कपाटात सेवा सहकारी संस्थेचे कर्ज भरण्यासाठी आणलेलीे १ लाख रूपयांची रोकडही जळून खाक झाली. (शहर प्रतिनिधी)