अस्थी विसर्जनासाठी आला अन् जीव गमावून बसला

Bhandara News आजीच्या अस्थी विसर्जनासाठी आलेल्या एका तरुणाचा येथील वैनगंगा नदीवरील वैजेश्वर घाटावर बुडून मृत्यू झाल्याची घटना साेमवारी सकाळी १० वाजताच्या सुमारास घडली.

भंडारा : आजीच्या अस्थी विसर्जनासाठी आलेल्या एका तरुणाचा येथील वैनगंगा नदीवरील वैजेश्वर घाटावर बुडून मृत्यू झाल्याची घटना साेमवारी सकाळी १० वाजताच्या सुमारास घडली. मृत तरुण चंद्रपूर जिल्ह्यातील आंबाेली येथील रहिवासी हाेता.

प्रशांत धाेंडबा ठाकरे (२५) रा. आंबाेली, ता. चिमूर असे मृत तरुणाचे नाव आहे. त्याची आजी महिनाबाई मनिराम पाेटे यांचे रविवारी निधन झाले. अंत्यसंस्कारानंतर दुसऱ्या दिवशी साेमवारी ठाकरे परिवार अस्थिविसर्जनासाठी पवनी येथे आले. त्यावेळी प्रशांत वैनगंगा नदीपात्रात उतरला. खाेल पाण्यात जाऊन त्याने डुबकी मारली. मात्र ताे वर आलाच नाही. प्रशांत बुडाल्याने त्याच्यासाेबत असलेल्या मंडळीनी आरडाओरडा केला तेव्हा परिसरातील नागरिक धावून आले नावाड्याच्या मदतीने त्याचा शाेध घेतला. मात्र त्याचा मृतदेहच हाती आला. या घटनेची माहिती पवनी पाेलिसांना देण्यात आली.

अर्ध्यावरती डाव माेडीला

प्रशांत ठाकरे याचा तीन महिन्यांपूर्वीच विवाह झाला हाेता. सुखी संसाराचे स्वप्न रंगवित असताना आज त्याचा दुर्दैवी मृत्यू झाला. त्याच्या पत्नीवर दु:खाचा डाेंगर काेसळला. या घटनेने सर्वत्र हळहळ व्यक्त हाेत आहे.