महिलेवरील हल्ला प्रकरणात सासू व भासऱ्यास अटक

रविना राहुल लिल्हारे असे जखमी महिलेचे नाव आहे. तिच्यावर गत १५ दिवसापूर्वी प्राणघातक हल्ला झाला होता. याप्रकरणी लिल्हारे कुटुंबीयांनी तुमसर पोलीस ठाण्यात तक्रार नोंदविली. पोलिसांना दिलेल्या बयानात तीन इसम तोंडावर कापड बांधून आले होते. त्यांनी रविना लिल्हारे व सासू गीता लिल्हारे यांना मारहाण केली, असे म्हटले होते. रविना गंभीर जखमी असल्याने तिला नागपूर येथे उपचारासाठी दाखल करण्यात आले होते. दरम्यान, पोलिसांनी तपासाची चक्रे फिरविली. सासू गीता लिल्हारे व भासरे महेश लिल्हारे यांनी मारहाण केल्याचे पुढे आले. त्यावरून त्यांना अटक करण्यात आली. आरोपींविरुद्ध भादंवि ३०७, ४५०, ३३४ कलमान्वये गुन्हा दाखल करण्यात आला. सदर प्रकरणाचा तपास पोलीस निरीक्षक रामेश्वर पिपरेवार यांच्या मार्गदर्शनात पोलीस उपनिरीक्षक जी. एल. विजयसिंग, पोलीस हवालदार समाधान लांडगे, मल्होत्रा यांनी केला.