काेराेनाच्या पाॅझिटिव्ह रुग्णांसाठी रेमडेसिविर इंजेक्शन प्रभावशाली नाही

भंडारा : रेमडेसिविर हे काेराेनावर रामबाण औषध आहे. रेमडेसिविर इंजेक्शनमुळे रुग्ण बरा हाेताे. गंभीर रुग्णाचा मृत्यू हाेत नाही किंवा फुप्फुसातील संसर्ग कमी करताे, हा जनतेतील गैरसमज आहे. हे औषध काेराेनासाठी प्रभावशाली नसून वैद्यकीय क्षेत्रात इतर औषधी यापेक्षाही उपयुक्त ठरत आहेत. त्यामुळे रुग्णांच्या नातेवाइकांनी रेमडेसिविर मिळत नाही म्हणून भयभीत हाेऊ नये, असे आवाहन सेवाग्राम (वर्धा) येथील कस्तुरबा रुग्णालयाचे वैद्यकीय अधीक्षक डाॅ. एस.पी. कलंत्री यांनी केले आहे.

रेमडेसिविर हे इंजेक्शन काेराेना रुग्णाला व्हेंटिलेटर लागण्यापासून वाचविणे किंवा आयसीयूमधील रुग्णांचे दिवस कमी करणे, तसेच फुप्फुसातील संसर्ग थांबविणे यापैकी काेणत्याही कारणासाठी उपयुक्त ठरत नसल्याचे त्यांनी संशाेधनाअंती म्हटले आहे.

साेशल मीडियाने या औषधाबद्दल समाधान, गैरसमज पसरविला आहे. एखादा व्यक्तीला काेराेना झाला आणि रेमडेसिविर मिळत नाही म्हणजे आता मृत्यू अटळ आहे असा भ्रम लाेकांमध्ये तयार हाेणे भीतीदायक आहे. त्यामुळे रुग्णांचे नातेवाईक, डाॅक्टरांवर रेमडेसिविर देण्यासाठी दबाव आणतात. रेमडेसिविरशिवाय इतर अनेक औषधींमुळे काेविड रुग्ण बरा हाेताे. सेवाग्राम (वर्धा) रुग्णालयात रेमडेसिविरचा उपयाेग न करता अनेक रुग्ण बरे झाले आहेत. रेमडेसिविर इंजेक्शनचा अट्टहास करण्याची गरज नाही. विना रेमडेसिविर इंजेक्शननेही रुग्ण पूर्णपणे बरा हाेऊ शकताे, असेही डाॅ. कलंत्री यांनी सांगितले. रुग्ण व त्यांच्या नातेवाइकांनी या काळात संयम बाळगणे महत्त्वाचे आहे.

जगातील २८ देशांमध्ये संशाेधन

जगातल्या २८ देशांमध्ये झालेल्या संशाेधनातून जागतिक आराेग्य संघटनेनेसुद्धा रेमडेसिविर उपयुक्त नसल्याचे म्हटले आहे. डब्ल्यू एचओने म्हटले की, २८ देशांतल्या ७४३३ काेराेनाबाधितांवर संशाेधन केले. यातील काही रुग्णांना रेमडेसिविर दिले, तर काही रुग्णांवर इतर औषधांनी उपचार केले. त्यावेळी रेमडेसिविर औषधाचा फारसा उपयाेग हाेत नसल्याचे सिद्ध झाले असल्याचेही डाॅ. कलंत्री यांनी सांगितले.