झरपडा येथे कौशल्यावर आधारित शेतकरी प्रशिक्षण

शेतकरी प्रशिक्षणात कृषी मंडळ अधिकारी सुधीर वरखडे यांनी ५ टक्के निंबोळी अर्क व बीजामृत तयार करण्याची पद्धत प्रात्यक्षिकाद्वारे सांगितले. तंत्रज्ञान व्यवस्थापक विलास कोहाडे यांनी पर्यावरणपूरक शेतीविषयक माहिती दिली. जैविक व सेंद्रिय खतांचा वापर, जैविक व सेंद्रिय कीटकनाशकाचा वापर, जैविक बुरशीनाशक, जीवाणूनाशक व विषाणूनाशकाचा वापर, हिरवळी खताच्या वापराबाबत माहिती विशद केली. उमेदचे समन्वयक कोवित रंगारी यांनी दशपर्णीअर्क, जीवामृत तयार करण्याची पद्धत समजावून सांगितली. नोजेंद्र लांडगे यांनी कामगंध सापळे, चिकट सापळे, प्रकाश सापळे प्रत्यक्ष शेतकऱ्यांना दाखवून त्याचे फायदे व महत्त्व पटवून दिले.

भूमेश्वरी येरणे यांनी पिकातील मित्र व शत्रू कीड कोणते ते कसे ओळखायचे, याबाबत माहिती सांगितली. सदर शेतकरी प्रशिक्षणात कृषी प्रात्यक्षिकाद्वारे शेतकऱ्यांना मार्गदर्शन करण्यात आले. गावातील शेतकऱ्यांनी प्रशिक्षणाचा लाभ घेतला. कार्यक्रमाच्या आयोजनासाठी महेश मात्रे, दिनेश भेंडारकर, प्रमोद मेश्राम यांनी सहकार्य केले.