वरूड येथील युवकाच्या आत्महत्येप्रकरणी दहा जणांविरोधात गुन्हा

आईच्या तक्रारीवरून गुन्हा दाखल करण्यात आला असून, तिघांना अटक करण्यात आली आहे.

खामगाव: वरूड गव्हाण (ता.शेगाव) येथील युवकाच्या आत्महत्येप्रकरणी दहा जणांविरोधात आत्महत्येस प्रवृत्त केल्याचा गुन्हा खामगाव ग्रामीण पोलीस स्टेशनमध्ये दाखल करण्यात आला. येथील अक्षय महादेव भोजने या युवकाने सोमवारी गळफास घऊन आत्महत्या केली होती. त्यानंतर त्याच्या आईच्या तक्रारीवरून गुन्हा दाखल करण्यात आला असून, तिघांना अटक करण्यात आली आहे.

खामगाव सविस्तर असे की, खामगाव ग्रामीण पोलीस स्टेशन हद्दीतील वरूड गव्हाण (ता.शेगाव) येथील २३ वर्षीय अक्षय महादेव भोजने या युवकाने बोरीच्या झाडाला गळपॐास घेऊन् आत्महत्या केल्याचे उघडकीस आले. त्यानंतर याप्रकरणी मृतक युवकाची आई ग.भा. कमला महादेव भोजने (४८) यांनी ग्रामीण पोलीसांत दिलेल्या तक्रारीत गावातील काहींनी गैरकायद्याची मंडळी जमवून मुलाला मारहाण केली. तसेच त्याच्यावर खोटा आरोप करून सतत जीवे मारण्याची धमकी दिल्याचे तक्रारीत नमूद केले. या तक्रारीवरून ग्रामीण पोलीसांनी अमोल ठकसेन आवळे, ठकसेन पिराजी आवळे रा. वरूड, सुधीर प्रल्हाद ढगे यांच्यासह दहा जणांविरोधात भादंवि कलम ३०६, १४३, १४६, १४९, ३२३, ५०४, ५०६, ३४ अन्वये गुन्हा दाखल केला. पुढील तपास सहायक पोलीस निरिक्षक गाडेकर करीत आहेत.
 

तिघांना अटक

गुन्हा दाखल झाल्यानंतर लागलीच वरूड येथील अमोल ठकसेन आवळे (२६), ठकसेन पिराजी आवळे (५०) या बापलेकांसह सुधीर प्रल्हाद ढगे (४०)रा. पारखेड ता. खामगाव या तिघांना अटक केली.