रांजण्या डोहात संग्रामपूर येथील युवक बुडाला; १० दिवसांतच वारी भैरवगड येथील दुसरी घटना

याबाबत पोलिसांकडून प्राप्त माहितीनुसार संग्रामपूर येथील ४ युवक अर नदीपात्रात उतरले.

संग्रामपूर : चार युवक नदीपात्रात पोहत असताना त्यापैकी दोघे बुडाल्याचे दिसताच त्यांना वाचवण्याच्या प्रयत्नात एकाचा बुडून मृत्यू झाला. तर दुसऱ्याला वाचवण्यात यश मिळाले. अकोला-बुलढाणा जिल्ह्याच्या सीमारेषेवरील वारी भैरवगड येथील प्रसिद्ध तीर्थक्षेत्र व पर्यटन स्थळावरील अर नदीपात्रातील रांजण्या डोहात ही घटना बुधवारी सायंकाळी घडली.

याबाबत पोलिसांकडून प्राप्त माहितीनुसार संग्रामपूर येथील ४ युवक अर नदीपात्रात उतरले. यातील एक युवक डोहात बूडत असताना दुसऱ्याने त्याला वाचवण्याचा प्रयत्न केला. मात्र, त्याचा बुडून मुत्यू झाला तर दुसऱ्याला रुग्णालयात हलविण्यात आल्याची माहिती आहे. डोहात मृत्यू पावलेल्या युवकाचे राध्येश्याम इंगळे (३५) असे संग्रामपूर येथील रहिवासी आहे. दरम्यान, घटनेची माहिती प्राप्त होताच सोनाळा पोलिसांनी घटनास्थळी धाव घेतली. मृतकाला डोहातून बाहेर काढण्यात आले असून वृत्त लिहिपर्यंत पंचनामा सुरू होता.
चौकट

दहा दिवसांतील दुसरी घटना

दहा दिवसांपूर्वी ५ ऑगस्ट रोजी अर नदीपात्रातील रांजण्या डोहात तेल्हारा तालुक्यातील हिवरखेड येथील १६ वर्षीय युवकाचा बूडून अंत झाला होता. दहा दिवसांनंतर बुधवारी सायंकाळी ही दुसरी घटना घडली आहे.