Buldhana: एसीचा स्फोट: टिळक मैदानातील दोन दुकानांना आग, लाखो रुपयांचे साहित्य जळून खाक
By अनिल गवई | Published: October 4, 2023 01:43 PM2023-10-04T13:43:16+5:302023-10-04T13:48:17+5:30
Buldhana: कटलरी साहित्य विक्रीच्या दुकानातील एसीचा ब्लास्ट झाल्याने लागलेल्या आगीत दोन दुकाने भस्मसात झाली. ही घटना बुधवारी दुपारी १२ वाजता दरम्यान शहरातील टिळक मैदानात घडली.
Buldhana: एसीचा स्फोट: टिळक मैदानातील दोन दुकानांना आग, लाखो रुपयांचे साहित्य जळून खाक
Next -अनिल गवई
खामगाव - कटलरी साहित्य विक्रीच्या दुकानातील एसीचा ब्लास्ट झाल्याने लागलेल्या आगीत दोन दुकाने भस्मसात झाली. ही घटना बुधवारी दुपारी १२ वाजता दरम्यान शहरातील टिळक मैदानात घडली. आगीमुळे धुराचे लोट सर्वदूर पसरल्याने परिसरात भीतीचे वातावरण पसरले होते.
याबाबत मिळालेली प्राथमिक माहिती अशी की, खामगाव शहरातील टिळक मैदान भागात असलेल्या एका ठोक कटलरी साहित्याच्या दुकानातील एसीचा जोरदार आवाज होऊन स्फोट झाला. त्यानंतर लागलेल्या आगीत कटलरी दुकानातील लक्षावधी रूपयांचे साहित्य खाक झाले. या आगीची झळ बाजूच्या मेडीकल दुकानालाही बसली. पाहता पाहता मेडीकलच्या दुकानातील औषधी आणि इतर साहित्याने पेट घेतला. या घटनेची माहिती मिळताच, खामगाव येथील अग्नीशमन दलासह, नांदुरा आणि शेगाव येथील अग्नीशमन दलाच्या गाड्या घटनास्थळी दाखल झाल्या.
यामध्ये खामगाव येथील ३ गाड्यांसह, नांदुरा आणि शेगाव येथील प्रत्येकी एका गाडीचा समावेश आहे. दुपारी १२:४० वाजता ही आग आटोक्यात आली. अग्नीशमन दलासोबतच स्थानिकांनीही आग विझविण्यासाठी मदत केली. दुकाना मागे असलेल्या गोदामातील कटलरी साहित्यही या आगीत भस्मसात झाल्याचे समजते.