प्रवासी बस व मालवाहू ॲपेचा अपघात; एक जण ठार

Accident News चिखली-अमडापूर मार्गावर पेठनजीक खासगी प्रवासी बस व मालवाहू ॲपेचा अपघात होऊन ॲपे चालकाचा मृत्यू झाला.

लोकमत न्यूज नेटवर्क
चिखली/अमडापूर : चिखली-अमडापूर मार्गावर पेठनजीक खासगी प्रवासी बस व मालवाहू ॲपेचा अपघात होऊन ॲपे चालकाचा मृत्यू झाला. हा अपघात शनिवारी सकाळी ७ वाजताच्या सुमारास घडला.
अमडापूर पोलीस ठाण्याच्या हद्दीत १३ मार्च रोजी हा अपघात झाला. खासगी बसची जबर धडक मालवाहू ॲपेला बसल्याने त्यात ॲपे चालक किशोर गजानन इंगळे हे जागीच ठार झाले.  शनिवारी सकाळी उत्रादा येथील २३ वर्षीय किशोर गजानन इंगळे हे मालवाहू ॲपे घेऊन (एमएच-२८-एच-८३१९) पेठ येथील रोडवर येत असताना चिखलीकडून येणाऱ्या खासगी प्रवासी बसची (एमएच-१२-एसएफ-७०११) ॲपेला जबर धडक बसली. त्यात ॲपेचालक किशोर गजानन इंगळे यांचा जागीच मृत्यू झाला. ही बस चिखलीकडून खामगावकडे जात होती. प्रकरणी बिदेसिंग भारतसिंग इंगळे (३८, रा. उत्रादा) यांनी खासगी बस चालकाविरोधात दिलेल्या तक्रारीवरून पोलिसांनी गुन्हा दाखल केला आहे. घटनेचा पुढील तपास अमडापूर पोलीस करीत आहेत.