बुलढाण्यात शिक्षकाची अश्लील चित्रफीत काढून चार लाखांची मागितली खंडणी

शिक्षकाला मारहाण करत त्याच्याकडून दहा हजार रुपये बळजबरीने काढून घेण्यात आले आहेत.

बुलढाणा: चिखली शहरातील एका २४ वर्षीय शिक्षकाला ट्रममध्ये अडकवून त्यांचे एका युवकासोबतच्या अश्लिल चाळ्यांची चित्रफीत काढत चार लाख रुपायंची खंडणी मागितल्याप्रकरणी बुलढाणा पोलिसांनी चार जणांविरोधात गुन्हा दाखल केला आहे. दरम्यान या प्रकरणातील दोन जणांना पोलिसांनी अटक केली आहे.

या प्रकरणात शिक्षकाला मारहाण करत त्याच्याकडून दहा हजार रुपये बळजबरीने काढून घेण्यात आले आहेत. प्रकरणी शिक्षकाने बुलढाणा शहर पोलिसात दिलेल्या तक्रारीवरून गुन्हा दाखल करण्यात आला आहे. १८ जून रोजी हा प्रकार घडला होता. प्रकरणी शिक्षकाने रात्रीच तक्रार दिली होती.

चिखली शहरात राहणारे शिक्षक विवेक सखाराम ढोकणे (२४) यांनी अनुषंगीक तक्रारीत म्हंटले आहे की, एका ॲपवरून त्याची बुलढाणा येथील ऋषीकेश नामक युवकासोबत मैत्री झाली होती. बुलढाणा शहरातील एका कॉलेज जवळ असलेल्या ऋषीकेशच्या घरी संबंधित शिक्षक आला असता त्याचे व ऋषीकेशचे नको त्या अवस्थेतील चित्रफित काढण्यात आली. व त्यानंतर विवेक सखाराम ढोकणे यास मारहाण करून एका शेतात नेत त्याला पैशाची मागणी करण्यात आली. समाजमाध्यमावर ही चित्रफीत व्हायरल न करण्यासाठी त्यास चार लाख रुपये मागण्यात आले. पैसे नसल्याचे विवेक ढोकणेने सांगताच त्यांना मारहाण करण्यात आली.

दरम्यान यावेळी आरोपीसोबत असलेल्या एका युवतीने मध्यस्थी करत पैसे नसतील तर थोडेफार पैसे देण्याचे सांगितले. त्यानंतर शहरातील एका एटीएममध्ये नेऊन १० हजार रुपये काढून घेण्यात आले. अशा तक्रारीवरून पोलिसांनी ऋषीकेश (२०), संतोष जाधव (४०), रुपेश (३०) आणि एका युवती विरोधात बुलढाणा शहर पोलिसांनी विविध कलमान्वये गुन्हा दाखल केला आहे. प्रकरणी पोलिसांनी ऋषीकेश आमि संतोष जाधव या दोन आरोपींना ताब्यात घेतले आहे. अन्य दोघांचा पोलिस शोध घेत आहे. दरम्यान अटक करण्यात आलेल्या दोघांना सायंकाळी बुलढाणा न्यायालयात हजर करण्यात आले होते.