अत्याचार प्रकरणातील आराेपीस अटक करा

बुलडाणा : लग्नाचे आमिष दाखवून अत्याचार करणाऱ्या युवकासह त्याच्या कुटुंबीयांविरुद्ध विविध कलमांन्वये गुन्हा दाखल करण्यात आला आहे़ मात्र, १५ दिवस उलटूनही त्यांना अटक करण्यात आलेली नाही़ त्यामुळे आराेपीस तत्काळ अटक करण्याची मागणी पीडित युवतीने केली आहे़

बुलडाणा शहरातील एका २३ वर्षीय युवतीला लग्नाचे आमिष दाखवून सागर प्रकाश वैराळकर (रा़ गणेशनगर बुलडाणा) याने तिच्यावर वेळाेवेळी अत्याचार केला़ सदर युवतीने लग्न करण्यासाठी तगादा लावल्यानंतर आराेपीने लग्न करण्यास संमती दिली़ दाेन्ही कुटुंबाच्या संमतीने नाेंदणी विवाह ठरवण्यात आला हाेता़ मात्र, ठरलेल्या तारखेपूर्वीच सागर वैराळकर याने लग्न करण्यास नकार दिला़ त्यावरून आपली फसवणूक झाल्याचे लक्षात येताच युवतीने बुलडाणा शहर पाेलिसांत १ एप्रिल राेजी फिर्याद दिली हाेती़ याप्रकरणी पाेलिसांनी सागर प्रकाश वैराळकर याच्यासह त्याच्या कुटुंबीयाविरुद्ध विविध कलमांन्वये गुन्हा दखल केला आहे़ १५ दिवसांचा कालावधी उलटूनही पाेलिसांनी आराेपींना अटक केली नसल्याचा आराेप पीडित युवतीने पाेलीस अधीक्षकांना दिलेल्या निवेदनात केला आहे़ याप्रकरणी आराेपीपासून मला धाेका असल्याने त्यांना तातडीने अटक करा,अशी मागणीही पीडित युवतीने निवेदनाद्वारे केली आहे़