अनाेळखी मुलीची फेसबुकवर फ्रेंड रिक्वेस्ट आल्यास सावधान

संदीप वानखडे / बुलडाणा

सर्वसामान्य लाेकांची विविध मार्गांनी फसवणूक करणाऱ्या सायबर भामट्यांनी नवीनच प्रकार सुरू केला आहे़ फेसबुकवरून मुलीच्या नवाने फ्रेंड रिक्वेस्ट पाठवल्यानंतर व्हाॅट्सॲप क्रमांकाची मागणी केली जाते़ त्यानंतर व्हिडिओ काढून ब्लॅकमेलिंग सुरू हाेते़ जिल्ह्यात अशी तक्रार दाखल झाली नसली तरी अनेक जणांची अशी फसवणूक झाली आहे़ बदनामीच्या भीतीने कुणीही तक्रार करण्यास येत नसल्याचे चित्र आहे़ सायबर सेलने याविषयी नागरिकांची ऑनलाईन जागृती सुरू केली आहे़

ऑनलाईन फसवणुकीसाठी सायबर भामटे विविध फंडे वापरतात़ गत काही वर्षांपासून फसवणुकीच्या या प्रकाराबाबत जनजागृती हाेत आहे़ त्यामुळे सायबर भामट्यांनी नवीन मार्ग निवडला आहे़ फेसबुक तरुण, मध्यमवर्गीय लाेकांना सुंदर मुलीचा फाेटाे असलेल्या प्राेफाईलवरून फ्रेंड रिक्वेस्ट पाठवण्यात येते़ ही रिक्वेस्ट स्वीकारल्यानंतर मुलीच्या नावाने संदेशाचे आदान प्रदान सुरू हाेते़ यादरम्यान, व्हाॅट्सॲप क्रमांक मिळवून त्यावरही व्हिडिओ काॅल सुरू हाेतात़ व्हिडिओ काॅलदरम्यान शुटिंग करून त्याची रेकाॅर्डिंग संबंधित व्यक्तीला पाठवून पैशांची मागणी करण्यात येते़ वेगवेगळ्या क्रमांकांवरून फाेन करून संबंधित व्यक्तीला ब्लॅकमेल करण्यात येते़ अनेक जण बदनामीच्या भीतीने मागेल तेवढे पैसे संबंधितांच्या खात्यात टाकतात़ शिवाय कुणाला काहीही सांगत नसल्याने सायबर भामट्याचे फावते़ त्यामुळे बुलडाणा सायबर सेलच्या वतीने जनजागृती करण्यात येत आहे़ फेसबुकवर अनाेळखी मुलींची फ्रेंड रिक्वेस्ट आल्यास ती स्वीकारू नये, असे आवाहन सायबर सेलच्या वतीने करण्यात आले आहे़

अशी करतात फसवणूक

फेसबुकवरून संदेशाचे आदानप्रदान केल्यानंतर तुम्हाला व्हाॅट्सॲप क्रमांक विचारतात़ व्हाॅट्सॲपवर व्हिडिओ काॅल सुरू हाेतात़ या काॅलदरम्यान उत्तेजित करून आपले नग्न फाेटाे, व्हिडिओ रेकाॅर्डिंग करण्यात येते़ त्यानंतर ती रेकाॅर्डिंग संबंधिताला पाठवून व्हायरल करण्याची भीती दाखवण्यात येते़ व्हिडिओ नातेवाइकांपर्यंत पाठवण्याची भीती दाखवण्यात येते़ त्यामुळे त्यांच्या जाळ्यात अनेक जण फसतात़ तसेच त्यांनी मागितलेले पैसे अनेक जण देऊन टाकतात़

तक्रार दाखलच करीत नाहीत

अनेक जण व्हिडिओमध्ये असल्यामुळे फसवणूक झाली तरी पाेलीस स्टेशन किंवा सायबर सेलकडे तक्रार देत नाही़ जणही बाब कुणालाही सांगत नाही़ त्यामुळे सायबर भामट्यांचे फावते़ जिल्ह्यात असे अनेक प्रकार घडले असले तरी तक्रार मात्र एकही तक्रार दाखल झालेली नाही़

अशी घ्यावी खबरदारी

अनाेळखी मुलीची फेसबुकवर फ्रेंड रिक्वेस्ट आल्यास स्वीकारू नये़

चुकून फ्रेंड रिक्वेट स्वीकारली तरी त्या मुलीला प्रतिसाद देऊ नये़

फसवणूक झाल्यास तातडीने जवळचे पाेलीस स्टेशन किंवा सायबर सेलकडे तक्रार करावी़

फेसबुकवर अनाेळखी मुली फ्रेंड रिक्वेट पाठवतात़ त्यानंतर व्हाॅट्सॲपवर व्हिडिओ काॅल करून उत्तेजित करतात़ नग्न व्हिडिओ काॅलचे रेकाॅर्डिग करून ब्लॅकमेल करतात़ त्यामुळे अशा फ्रेंड रिक्वेस्ट स्वीकारू नये़ फसवणूक झाल्यास तातडीने तक्रार दाखल करावी़ सायबर सेलकडून याविषयी जनजागृतीही करण्यात येत आहे़

प्रदीप ठाकूर, पाेलीस निरीक्षक, सायबर सेल, बुलडाणा