खामगावमध्ये झालेल्या अपघातात दुचाकीचालक जखमी

शेगाव ग्रामीण पोलिस स्टेशनला बोलेरो चालकाविरोधात गुन्हा दाखल केला आहे.

शेगाव : दुचाकीला समोरून धडक देऊन दुचाकी चालकाला जखमी केल्याची घटना गुरूवारी रात्री शेगाव ते वरवट रोडवर कालखेड येथे घडली. या घटनेनंतर जखमीला उपचारासाठी रुग्णालयात दाखल करण्यात आले आहे. दरम्यान, याप्रकरणी शेगाव ग्रामीण पोलिस स्टेशनला बोलेरो चालकाविरोधात गुन्हा दाखल केला आहे.

गणेश पुंडलिक ढगे (वय ४४ वर्ष, रा. रोकडीया नगर, शेगाव) यांचा चुलत भाऊ योगेश बाळकृष्ण ढगे (वय ४२ वर्ष, रा. सगोडा) हे त्यांची दुचाकी क्र. एमएच २८ - झेड - २७९० ने घरी सगोडा येथे जात असताना शेगाव ते वरवट रोडवरून समोरून येणाऱ्या प्रवाशी वाहन क्रमांक टीएस-११, इडब्ल्यू-४८९० ने त्यांना धडक दिली. या धडकेत योगेश ढगे हे जखमी झाले. याप्रकरणी गणेश ढगे यांनी शेगाव ग्रामीण पोलिस ठाण्यात फिर्याद दाखल केली. पोलिसांनी याप्रकरणी वाहनचालक राहुल पुरूषोत्तम वर्धे (रा. अमरावती) याच्याविरोधात गुन्हा दाखल केला आहे.