दुचाकींची समारोसमोर धडक; एक जखमी

लोणार तालुक्यातील रायगाव जवळील घटना.

लोणार(जि. बुलडाणा), दि. २९: तालुक्यातील रायंगाव गावाजवळ रायंगाव वरून येणा-या मोटारसायकलस्वाराने समोरून येणा-या मोटारसायकलस्वारास समोरासमोर धडक दिल्याने एक जण गंभीररित्या जखमी झाल्याची घटना २९ ऑगष्ट्र च्या रात्री ७.३0 वाजताच्या दरम्यान घडली.
रांयगाव वरून एम. एच. १२- ८७२0 क्रमांकाची दुचाकी भरधाव वेगाने लोणारकडे येत होती. लोणारवरून गंधारीकडे तेथील प्रवीण बाबुसिंग राठोड वय २८ हा आपली दुचाकी क्रमांक एम. एच. १९ क्यु ६२२0 ने जात असताना समोरून भरधाव येणार्‍या मोटारसायकलस्वाराने राठोड यांच्या गाडीला धडक दिली यामध्ये प्रवीण राठोड हा गंभीररित्या जखमी झाला. त्याला उपचारासाठी ग्रामीण रूग्णालयात भरती करण्यात आले मात्र त्याची प्रकृती गंभीर असल्यामुळे त्याला पुढील उपचारासाठी मेहकर येथे भरती करण्यात आले. धडक मारणारा मोटारसाकलस्वार हा रायंगाव येथील ज्ञानू उत्तम मुंडे असल्याची माहिती त्याच्या खिशातून पडलेल्या आधार कार्डवरून कळाली आहे. ज्ञानु याच्या वडिलांनी विष घेतल्याने त्यांना उपचारासाठी मेहकर येथे भरती करण्यात आले होते, त्यामुळे तो भरधाव वेगाने लोणारकडे जात असल्याची माहिती मिळाली. वृत्त लिहेपर्यत पोलीसांनी गुन्हा दाखल केला नव्हता.