गळफास घेऊन दोघांची आत्महत्या

बुलडाणा शहरातील दोन वेगवेगळय़ा घटना.

बुलडाणा : शहरात वेगवेगळ्या घटनांमध्ये दोघांनी गळफास घेऊन आत्महत्या केल्याची घटना शुक्रवारी घडली. यामध्ये एका युवकाचा आणि एका महिला डॉक्टराचा समावेश आहे. शहरातील प्रसिद्ध व्यापारी ओम अग्रवाल यांची मुलगी डॉ. प्रणिता हिचा विवाह यवतमाळ येथील सचिन भारूका यांच्याशी झाला होता. प्रणिता ही गर्भवती होती. ती काही दिवसांपूर्वीच वडिलांकडे आली होती. १४ ऑगस्ट रोजी डॉ. प्रणिता हिने वडिलांच्या घरी दुपारी गळफास घेऊन आत्महत्या केली. आत्महत्येचे कारण कळू शकले नाही. दुसर्‍या घटनेत सुंदरखेड स्थित विजयनगर येथील २४ वर्षीय प्रफुल्ल गजानन सरकटे याने राहत्या घरी शुक्रवारी सकाळी गळफास घेऊन आत्महत्या केली. या दोन्ही घटनांमध्ये पोलिसांनी आकस्मिक मृत्यूची नोंद केली आहे.