बोराखेडी शाळेचे क्रीडा स्पर्धेत यश

मोताळा : जिल्हास्तरावर सुरू असलेल्या क्रीडा स्पर्धेत जि.प.शाळा बोराखेडी येथील पुजा बुंदे व ऋषीकेश साबे यांनी विजेती व उपविजेता १४ वर्ष वयोगटात चमकदार कामगिरी केली आहे.
शाळेचा विकास करत असताना विद्यार्थी खेळात सुद्धा पुढे गेले पाहिजे. गरिब वंचित घटकातील विद्यार्थी गुणवत्तेबरोबर शारीरिकदृष्ट्या खेळाच्या माध्यमातून विकसीत व्हावे यादृष्टीने शाळेचे मुख्याध्यापक अनिल चव्हाण खेळात सहभागी होऊन शारीरिक शिक्षण हा विषय शिकवतात व आज या मुलांना प्रथमच उच्च प्राथमिक जिल्हा परिषद शाळेने बॉक्सींग सारख्या खेळातून आपली छाप जिल्हास्तरावर निर्माण केली आहे. विविध उपक्रमातून विद्यार्थी विकास साधताना खेळातून सुद्धा विद्यार्थी कौशल्य विकसीत करण्यास ही शाळा अग्रेसर आहे.पुजा बुंदे व ऋषीकेश साबे यांना खाजगी प्रशिक्षक अनिल जवरे यांनी प्रशिक्षण दिले. या मुलांना लागेल तो खर्च मुख्याध्यापक व शिक्षक यांनी केला व जिल्हास्तरावर खेळवून विजेती व उपविजेता हा बहुमान शाळेनी मिळवला. सदर कार्यात शाळेतील शिक्षीका जया चव्हाण, आशिष जैन, महेंद्रसिंग तायडे तसेच अंत्री येथील अनिल जवरे यांनी परिश्रम घेतले.(प्रतिनिधी)