Buldhana: उभ्या ट्रकवर भरधाव ट्रक धडकला, दोन जणांचा मृत्यू; कोक्ता शिवारातील घटना
By अनिल गवई | Published: May 10, 2024 02:47 PM2024-05-10T14:47:05+5:302024-05-10T14:47:30+5:30
Buldhana Accident News: उभ्या ट्रकवर भरधाव ट्रक येऊन धडकल्याने दोन जण जागीच ठार झाले. ही घटना गुरूवारी सायंकाळी कोक्ता शिवारातील रेल्वे पुला जवळील मारूती मंदिराजवळ घडली.
Buldhana: उभ्या ट्रकवर भरधाव ट्रक धडकला, दोन जणांचा मृत्यू; कोक्ता शिवारातील घटना
- अनिल गवई
खामगाव - उभ्या ट्रकवर भरधाव ट्रक येऊन धडकल्याने दोन जण जागीच ठार झाले. ही घटना गुरूवारी सायंकाळी कोक्ता शिवारातील रेल्वे पुला जवळील मारूती मंदिराजवळ घडली.
प्राप्त माहितीनुसार, मारुती मंदिरासमोर लोखंडी अँगल घेऊन जाणारा ट्रक क्रमांक जीजे ३९ टी ९५९५ हा उभा होता. या उभ्या ट्रकवर भरभाव वेगात आंबे घेऊन येणारा एमएच १८ बीझेड ७२२२ या क्रमांकाचा ट्रक येऊन आदळला. यात आंबे घेऊन जाणार्या ट्रकमधील चालक आणि वाहक यांचा जागीच चिरडून मृत्यू झाला. तर ट्रकच्या कॅबिनचा पूर्णत: चुराडा झाला. या घटनेमुळे रस्त्यावरील वाहतूक काही काळ विस्कळीत झाली होती. जलाउद्दीन खान फारुख खान ३० वर्ष व बबलू रामगोपाल ४२ दोघेही रा. बालसमुद्र ता. कसरावद जि. खरगोन मध्यप्रदेश अशी अपघातातील मृतकांची नावे आहेत. याप्रकरणी रूपाभाई माझाभाई रबारी ४२ रा. मिंदियारा ता. अंजार जि. कच्चभूज गुजरात यांच्या तक्रारीवरून जलंब पोलीसांनी एमएच १८ बीझेड ७२२२ च्या ट्रक चालकाविरोधात भादंवि कलम ३०४अ , २७९, ४२७ अन्वये रात्री उशीरा गुन्हा दाखल केला. पुढील तपास जलंब पोलीस करीत आहेत.