सैलानी दर्गा परिसरातील सीसी फुटेज पोलिसांच्या ताब्यात

संदलसाठी आम्ही कोणाला निमंत्रण दिले नाही: चांद मुजावर

हाजी हजरत अब्दुल रहेमान ऊर्फ सैलानी बाबा यांचा संदल काढणे ही परंपरा आहे. कोरोना विषाणूचा प्रादुर्भाव लक्षात घेता जिल्हा प्रशासनाने यात्रा उत्सवावर स्थगिती आणली. आम्ही प्रशासनाला नेहमी सहकार्य करत आलो. मर्यादित लोकात धार्मिक विधीला बंदी नाही, त्यानुसार मोजक्या मुजावर परिवारातील सदस्यांनी पिंपळगाव सराई येथील संदल घरातून परंपरेनुसार जुन्या संदल मार्गाने न जाता प्रशासनाला सहकार्याची भावना मनात ठेवून जीपमध्ये बसून मुख्य मार्गाने संदल घेऊन मजार-ए-शरीफवर चढवला. संदलमध्ये सहभागी होण्यासाठी आम्ही कोणालाही निमंत्रण दिले नाही व कोणालाही बोलवले नाही, त्यामुळे झालेली ही कारवाई चुकीची आहे, असे मत बुलडाणा पंचायत समितीचे सदस्य शेख चांद मुजावर यांनी दिली आहे.