कंटेनर-जीपची अमोरासमोर धडक ; एक जखमी

नांदुरा : कंटेनर व बोलेरो गाडी यांच्यात झालेल्या अपघातात बोलेरोतील चालक जखमी झाला. ही घटना २८ जून रोजी दुपारी ३ वाजून ५० मिनिटांनी रा.महामार्ग क्र.६ कोलासर शिवारात घडली.

लोकमत न्यूज नेटवर्क

नांदुरा : कंटेनर व बोलेरो गाडी यांच्यात झालेल्या अपघातात बोलेरोतील चालक जखमी झाला. ही घटना २८ जून रोजी दुपारी ३ वाजून ५० मिनिटांनी रा.महामार्ग क्र.६ कोलासर शिवारात घडली.
शे.हसन मो.इस्माईल (वय ३०) रा. कालेखाणीपुरी बाळापूर जि.अकोला हा आपल्या ताब्यातील बोलेरो गाडी क्र.एमएच ३०-एबी २५०७ घेऊन जळगाव खान्देशवरून बाळापूरकडे येत होता. दरम्यान, कोलासर शिवारात समोरुन भरधाव येणाऱ्या कंटेनर क्र.डब्ल्युबी-११ डी ०९४१ च्या चालकाने त्याच्या ताब्यातील कंटेनर भरधाव व निष्काळजीपणे चालवून बोलेरो चालकाच्या बाजूने ठोस मारून चालकास जखमी केले, तसेच या अपघातात बोलेरो गाडीच्या अंदाजे ३ लाख २० हजार रूपयाचे नुकसान झाले.
या अपघातप्रकरणी बोलेरो चालकाच्या फिर्यादीवरून व वैद्यकीय अहवालावरून नांदुरा पोलिसांनी कंटेनरचालकाविरुद्ध अप.नं.३०६ /१७ कलम २७९, ३३७, ४२७ भादंवि अन्वये गुन्हा दाखल केला असून, पुढील तपास नांदुरा पोलीस करत आहेत. या अपघातामुळे महामार्गावरील वाहतूक काहीकाळ विस्कळीत झाली होती.