विजेत्या विद्यार्थ्यांना बक्षिसांचे वितरण

लोकमतचा उपक्रम : स्पोर्टस् बुक स्पर्धा

जळगाव जामोद : महाराष्ट्राचा मानबिंदू असलेल्या 'लोकमत' तर्फे घेण्यात आलेल्या स्पोटर्स बुक स्पर्धेतील विजेत्यांना बक्षीसांचे वितरण करण्यात आले. शहरातील दि न्यू ईरा प्राथमिक शाळेतील विद्यार्थ्यांना लोकमतकडून बक्षीस देण्यात आले.
क्रीडाजगताची धमाल घरबसल्या अनुभवा अशी आगळी वेगळी धमाल स्पर्धा (स्पोर्टस बुक स्पर्धा) इयत्ता पहिली ते आठवीच्या विद्यार्थ्यांकरिता आयोजित करण्यात आली होती. या स्पर्धेचा निकाल नुकताच जाहीर झाला असून शहरातील दि न्यूईरा प्राथमिक शाळेतील कु.संचिता संजय देशमुख हिला प्रथम बक्षीस पियानो, व्दितीय बक्षीस ट्रॉलीबॅग कु.क्षितिजा अशोक गोल्डे तर तृतीय बक्षीस बॅडमिंटन विवेक रामकृष्ण नानकदे तसेच स्पर्धेमध्ये सहभागी विद्यार्थ्यांना प्रोत्साहनपर बक्षीसांचे वाटप एका कार्यक्रमात मुख्याध्यापक आर.बी.पाटील यांच्याहस्ते करण्यात आले. यावेळी शाळेतील शिक्षक तसेच पालक व विद्यार्थ्यांची उपस्थिती होती. तर लोकमतने नुकत्याच सुरु केलेल्या ह्यसंस्काराचे मोतीह्ण या ज्ञान वाढविणार्‍या स्पर्धेत जास्तीत जास्त विद्यार्थ्यांनी सहभागी व्हावे, असे आवाहन लोकमतच्यावतीने करण्यात आले आहे.