पावणेदोन लाखांची विद्युत तार गेली चोरीला

अज्ञात चोरट्याविरुद्ध गुन्हा दाखल केला आहे.

योगेश देऊळकार, नांदुरा : तालुक्यातील निमगाव शिवारातून १ लाख ८१ हजारांची विद्युत कार चोरी गेल्याची घटना १५ ऑक्टोबर रोजी उघडकीस आली. याप्रकरणी नांदुरा पोलिसांनी १६ ऑक्टोबर रोजी अज्ञात चोरट्याविरुद्ध गुन्हा दाखल केला आहे.

महावितरणचे नांदुरा-२ येथील सहायक अभियंता किशोर मूलचंद राठोड यांनी सोमवारी नांदुरा पोलिस स्टेशनमध्ये तक्रार दिली. यानुसार, निमगाव शिवारातील लघू वीज वाहिनीवरील १ लाख ३१ हजार ४७३ रुपये किमतीची ३६०० मीटर थ्रीफेज फोर वायर अज्ञात चोरट्याने चोरून नेली. तसेच तीन सिमेंटचे खांब तोडून ७ हजार १२८ रुपयांचे नुकसान केले. चोरीला गेलेली तार शेतकरी दिणवले व हरकुट यांच्या शेतामधील रोहित्राच्या लघुदाब वाहिनीवरील असल्याचे तक्रारीत नमूद आहे. या तक्रारीवरून पोलिसांनी अज्ञात चोरट्यांविरुद्ध गुन्हा दाखल असून पुढील तपास पोहेकाॅ. जवंजाळ करीत आहेत.