किनगाव जट्टू येथे अखंड हरिनाम सप्ताहाची सांगता

वर्धापन दिनानिमित्त २४ ते ३१ ऑगस्टदरम्यान अखंड हरिनाम सप्ताहाचे आयोजन करण्यात आले होते. यामध्ये दिवसा महिला मंडळांनी तर रात्री पुरुष भाविकांनी सहभाग घेतला होता. सात दिवस भजन पूजन आदी धार्मिक कार्यक्रमांची रेलचेल होती. मंगळवारी सकाळी बाबूदादा मुंडे यांनी सपत्नीक विठ्ठल-रुक्मिणीची विधिवत पूजाअर्चा करून अभिषेक केला. नंतर टाळ, वीणा पखवाजाच्या निनादत विठ्ठल-रुक्मिणीच्या प्रतिमेची गावातून मिरवणूक काढण्यात आली. त्यावेळी ठिकाणी महिला भाविकांनी दारासमोर रांगोळी काढून श्रींच्या प्रतिमेची भक्तीभावाने पूजन केले. मिरवणुकीमध्ये भजनी मंडळाचे समाधान माळोदे, शिवाजी वाघमारे, संजय महाजन, श्याम कराडकर, मदन जामदार, गजानन जावळे, भिका धाईत, पप्पू धारतरकर,

सुरेश राऊत, भानुदास खरात, रघुनाथ सानप, अनिल मुंडे, लक्ष्मण वाघमारे आदी सहभागी झाले होते.