सोयाबीन सुडींना आग लागून दीड लाखांचे नुकसान

रुईखेड मायंबा : परिसरातील साखळी येथे दोन शेतक-यांच्या सोयाबीन सुडीला आग लागून दीड लाख रुपयांचे नुकसान झाले आहे. अज्ञात व्यक्तीने ही आग लावल्याचे बोलल्या जात आहे.

ठळक मुद्देसाखळी परिसरातील दोन शेतक-यांच्या सोयाबीन सुडीला आगदीड लाख रुपये नुकसान झाल्याचे अनुमान

लोकमत न्यूज नेटवर्क
रुईखेड मायंबा : परिसरातील साखळी येथे दोन शेतक-यांच्या सोयाबीन सुडीला आग लागून दीड लाख रुपयांचे नुकसान झाले आहे. अज्ञात व्यक्तीने ही आग लावल्याचे बोलल्या जात आहे.
सावळी येथील शेतकरी प्रितम गणेश वाघ यांच्या मालकीच्या गट नं. ३२१ मधील सोयाबीन सुडीला २३ आॅक्टोबरच्या मध्यरात्री अज्ञात व्यक्तीने आग लावली. त्यात ९४ हजार ५०० रुपयांचे जवळपास ३० क्विंटल सोयाबीनचे नुकसान झाले. दरम्यान सावळी येथीलच दुसरे शेतकरी विठोबा संपत वाघ यांच्या मालकीच्या गट नं. ३२३ मधीलही सोयाबीन सुडीला अज्ञात व्यक्तीने २३ आॅक्टोबरच्याच मध्यरात्री आग लावली. त्यात ४७ हजार २५० रुपयांचे सुमारे १५ क्विंटल सोयाबीनचे नुकसान झाले. या घटनेचा मंडळ अधिकारी अशोक शेळके, कृषी मंडळ अधिकारी अशोक जाधव, तलाठी ताठे यांनी पंचनामा केला आहे. पंचनामा करतेवेळी प्रवीण वाघ, आकाश गुजर, विठ्ठल वाघ, संदीप भुसारी, प्रताप वाघ, शिवाजी वाघ, आकाश वाघ वाघ, विजय वाघ, विष्णू हलगडे, रमेश वाघ हे ग्रामस्थ उपस्थित होते.