मादणी येथे आगीत दोन घरे भस्मसात

डोणगाव : येथून जवळच असलेल्या ग्राम मादणी येथे २ जून रोजी दुपारी आग लागून त्यामध्ये दोन घरे जळून खाक झाले. आगीमध्ये अंदाजे ५ लाखाचे नुकसान झाल्याची माहिती आहे.
मादणी येथील संदीप उत्तमराव वाघ व उत्तमराव तुळशिराम वाघ यांच्या राहत्या घराला २ जून रोजी दुपारी ४ वाजताच्या सुमारास आग लागली. सदर आगीमध्ये उत्तम तुळशिराम वाघ यांच्या घरातील सोयाबीन पोते, हरभरा पोते, सोन्याची पोथ, पेट्रोल पंप, केबल, स्प्रिंकलर तोट्या, घरातील संसारपयोगी साहित्य अंदाजे ३ लाख ५ हजार रुपये व संदीप उत्तमराव वाघ यांच्या घरातील कुलर, फॅन, टीव्ही, लाकडी टेबल, लाकडी कपाट, पलंग, सोन्याच्या बांगड्या व गोफ, फ्रिज, गव्हाचे पोते, हरभरा पोते, सोयाबीन पोते, तुरीचे पोते, घरातील कपडे व नगदी दहा हजार रुपये, असे अंदाजे १ लाख रुपयाचे साहित्य जळून खाक झाले. सदर आगीची माहिती मिळताच तलाठी वंदना नाईक यांनी घटनास्थळ गाठून मेहकर येथून फायर ब्रिगेडला बोलावले व आग आटोक्यात आणली त्यावेळी वेळीच अनर्थ टळला. सदर आग शॉर्टसर्कीटमुळे लागल्याची प्राथमिक माहिती आहे. घटनास्थळाचा पंचनामा तलाठी नाईक यांनी केला असून, घटनास्थळाला तहसिलदार संतोष काकडे यांनी भेट दिली.