कोरोनाचे जिल्ह्यात चार बळी, ११४० जण पॉझिटिव्ह

दरम्यान, प्रयोगशाळेत तपासणीसाठी पाठविलेल्या व रॅपिड ॲन्टिजेन टेस्ट किटद्वारे तपासलेल्या अहवालांपैकी एकूण ७,८९४ संदिग्धांच्या अहवालापैकी ६,७५४ संदिग्धांचे अहवाल निगेटिव्ह आले.

एकट्या बुलडाणा तालुक्यात २१६, खामगाव तालुक्यात १२४, शेगावमध्ये ४२, देऊळगाव राजामध्ये ९०, चिखलीमध्ये ७७, मेहकरमध्ये १५४, मलकापूरमध्ये १३२, नांदुऱ्यात ५२, लोणारमध्ये ३३, मोताळ्यात ११३, जळगाव जामोदमध्ये ३, सिंदखेडराजा तालुक्यात ८१ आणि संग्रामपूर तालुक्यात २३ जण या प्रमाणे ११४० जण कोरोना बाधित आढळून आले आहेत.

दरम्यान, मेहकर तालुक्यातील विश्वी येथील ६० वर्षीय महिला, बुलडाणा तालुक्यातील नांद्राकोळी येथील ६५ वर्षीय महिला, बुलडाणा येथील ७९ वर्षीय महिला आणि खामगावातील जोशीनगर मधील ८० वर्षीय व्यक्तीचा कोरोनामुळे मृत्यू झाला आहे. दुसरीकडे १६ एप्रिल रोजी ७८० जणांनी कोरोनावर मात केली. आजपर्यंत तपासणीसाठी पाठविण्यात आलेल्या संदिग्धांच्या अहवालांपैकी २ लाख ९० हजार ५०३ जणांचे अहवाल निगेटिव्ह आले आहेत. सोबतच आजपर्यंत ४३ हजार ६९३ जण कोरोनामुक्त झाल्यामुळे त्यांना रुग्णालयातून सुटी देण्यात आली आहे.

--सक्रिय रुग्ण सहा हजारांच्या टप्प्यात--

जिल्ह्यातील एकूण कोरोना बाधितांची संख्या आता ४९ हजार ९९६ झाली असून त्यापैकी ५९८१ सक्रिय रुग्णांवर रुग्णालयात उपचार करण्यात येत आहेत. आजपर्यंत ३२२ जणांचा कोरोनामुळे मृत्यू झाला आहे. अद्यापही ४ हजार ६४१ जणांच्या अहवालाची प्रतीक्षा आहे.

--१४ टक्के नागरिकांच्या तपासण्या--

गेल्या एक वर्षामध्ये बुलडाणा जिलह्यातील १४ टक्के नागरिकांच्या अर्थात ३ लाख ५३ हजार ६१४ जणांच्या कोरोनाच्या तपासण्या करण्यात आल्या आहेत. यामध्ये १ लाख ६९ हजार ९०१ जणांच्या आरटीपीसीआर, १ लाख ७१ हजार ६४२ जणांच्या रॅपिड टेस्ट करण्यात आल्या. सोबतच १२ हजार ७१ जणांच्या ट्रुनॅटद्वारे तपासण्या करण्यात आल्या आहेत. जिल्ह्याचा सध्याचा कोरोना पॉझिटिव्हिटी रेट १४.१३ टक्के आहे असून मृत्यूदर ०.६४ टक्के आहे. दरम्यान, रुग्ण बरे होण्याचे प्रमाण आता ८७.३९ टक्क्यांवर पोहोचले आहे.