रेल्वे, हवाई प्रवासासह मॉल प्रवेशासाठी घरबसल्या मिळवा पास!

बुलडाणा : काेराेना लसीचे दाेन्ही डाेस घेतलेल्या नागरिकांना युनिव्हर्सल ई-पास देण्याची सुविधा उपलब्ध करून देण्यात आली आहे. रेल्वे, हवाई प्रवासासह माॅल प्रवेशासाठी घरबसल्याही पास मिळत असल्याने नागरिकांना दिलासा मिळाला आहे.

काेराेनाची दुसरी लाट ओसरत असल्याने राज्य शासनाने विविध निर्बंध शिथिल केले आहेत. यामध्ये काेराेनाचे दाेन्ही डाेस घेतलेल्या नागरिकांना रेल्वे, हवाई प्रवासासह माॅलमध्ये प्रवेश देण्याचा निर्णय सरकारने घेतला आहे. त्यासाठी युनिव्हर्सल ई-पास नागरिकांना ऑनलाइन देण्यात येत आहेत. त्यामुळे, नागरिकांना दिलासा मिळाला आहे़

काेराेनाचे निर्बंध शिथिल करतानाच राज्य शासनाने लसीचे दाेन्ही डाेस घेणे अनिवार्य केले आहे़ त्यामुळे, युनिव्हर्सल ई-पासवर पहिला आणि दुसरा डाेस कधी घेतला याची तारीख येते़ तसेच त्यावर फाेटाेही टाकता येताे़ या पाससाठी कुठेही ऑफलाइन अर्ज करण्याची गरज नाही़ हा पास जनरेट हाेत असल्याने सर्वसामान्यांचा त्रास वाचला आहे़

असा मिळवा ई-पास

- पात्र नागरिकांनी https://epassmsdma.mahait.org ही वेब लिंक उघडावी.

- त्यातील ‘ट्रॅव्हल पास फॉर व्हॅक्सिनेटेड सिटिझन्स’ यावर क्लिक करा.

-त्यानंतर आपला कोविड लसीकरणासाठी नोंदविलेला मोबाइल क्रमांक नमूद करावा. लगेचच मोबाइलवर ओटीपी अर्थात एक वेळ वापरासाठीचा पासवर्ड लघुसंदेश (एसएमएस) द्वारे प्राप्त होईल.

- हा ओटीपी नमूद केल्यानंतर लाभधारकाचे नाव, मोबाइल क्रमांक, लाभधारकाचा संदर्भ क्रमांक इत्यादी तपशील आपोआप समोर दिसतील.

- त्यामध्ये ‘पास निर्माण करा’ (जनरेट पास) या पर्यायावर क्लिक करावे.

- त्यावर क्लिक करताच अर्जदाराचा तपशील तसेच कोविड लसीचा पहिला आणि दुसरा डोस घेतल्याचा दिनांक इत्यादी सर्व तपशील आपोआप दिसेल.

- या तपशिलामध्ये ‘सेल्फ इमेज’ या पर्यायामध्ये अर्जदाराने स्वतःचे छायाचित्र अपलोड करावे. ते मोबाइल गॅलरीतून अपलोड करता येऊ शकते किंवा मोबाइल कॅमेऱ्याद्वारे जागीच छायाचित्र (सेल्फी) काढूनदेखील अपलोड करता येईल.

- ही सर्व प्रक्रिया पूर्ण झाल्यानंतर पुढील २४ तासांमध्ये युनिव्हर्सल ट्रॅव्हल पासकरिता लघुसंदेश (एसएमएस)द्वारे लिंक प्राप्त होईल.

- लिंक प्राप्त झाल्यानंतर ई-पास मोबाइलमध्ये जतन (सेव्ह) करून ठेवावा.

काेट

काेराेनाचे दाेन्ही डाेस घेतलेल्या नागरिकांसाठी युनिव्हर्सल ट्रॅव्हल पासची सुविधा उपलब्ध करून देण्यात आली आहे़ लस घेताना जाे माेबाइल क्रमांक दिला आहे ताे माेबाइल क्रमांक टाकल्यानंतर ओटीपी येताे़ ताे ओटीपी टाकल्यानंतर युनिव्हर्सल ट्रॅव्हल पास जनरेट हाेताे़

भूषण अहिरे, उपजिल्हाधिकारी, बुलडाणा