शेतकऱ्यांची बचत खाते केली हाेल्ड

डोणगांव : कर्ज थकलेल्या शेतकऱ्यांच्या बचत खात्यांना बँकानी हाेल्ड केल्याने डाेणगावसह परिसरातील शेतकरी आर्थिक संकटात सापडले आहे़ बँकानी हाेल्ड तातडीने काढावे, अन्यथा आंदाेलन करण्याचा इशारा भाजपाचे जिल्हा उपाध्यक्ष अर्जुनराव वानखेडे यांनी दिला आहे़

डाेणगाव परिसरातील अनेक शेतकरी आर्थिक अडचणीत आहेत़ त्यामुळे अनेक शेतकरी पीक कर्ज भरू शकलेले नाही़ त्यांचे खाते बॅंकांनी हाेल्ड केले आहे़ पंतप्रधान किसान सन्मान योजनेंतर्गत शेतकऱ्यांना मानधन मिळत असून सदर पैसे बचत खात्यामध्ये जमा होत आहेत़ इतरही पैसे खात्यामध्ये आहेत़ या खात्याला तालुक्यातील बॅकांनी होल्ड लावून खात्यातील शिल्लक रक्कम देण्यास नकार दिल्याने शेतकरी आर्थिक अडचणीत सापडला आहे़ त्यामुळे मेहकर तालुक्यातील बँकाना त्वरित आदेश करून शेतकऱ्यांच्या खात्यातील शिल्लक रक्कम शेतकऱ्यांना देण्यात यावी,अशी मागणी अर्जुनराव वानखडे यांनी केली आहे़ मागणी मान्य न झाल्यास आंदाेलन करण्याचा इशाराही वानखेडे यांनी तहसीलदारांना १२ ऑगस्ट राेजी दिलेल्या निवेदनात दिला आहे़