बुलढाण्यात ट्रॅव्हलची दुचाकीला धडक, मायलेकी जखमी

स्कुटीवर असलेलल्या पल्लवी विशाल काळे (वय ३१, रा. मेहकर) व त्यांची मुलगी आरोही विशाल काळे (वय ११) ह्या दोघी मायलेकी जखमी झाल्या आहेत.

मेहकर : मेहकर ते सुरत जाणाऱ्या ट्रॅव्हलची दुचाकीला धडक होऊन आईसह मुलगी जखमी झाल्याची घटना २१ मे रोजी घडली. हा अपघात येथील डोणगाव रोडवर झाला आहे. मेहकर येथून ट्रॅव्हल (क्रमांक जी. जे. १४- ५५००) सुरत जात होती. दरम्यान, डोणगाव रोडवर एका स्कूटीला (क्रमांक एम. एच. २८ बी. एस. ७६६८) ट्रॅव्हलची धडक बसली.

स्कुटीवर असलेलल्या पल्लवी विशाल काळे (वय ३१, रा. मेहकर) व त्यांची मुलगी आरोही विशाल काळे (वय ११) ह्या दोघी मायलेकी जखमी झाल्या आहेत. यामध्ये आरोही हिचा उजवा पाय फ्रॅक्चर झाला असून, तिची आईलाही मार लागला आहे. या दोघींनाही मेहकर येथील एका खासगी रुग्णालयात उपचारासाठी दाखल करण्यात आले आहे. या अपघातामध्ये दुचाकीचे मोठ्या प्रमाणावर नुकसान झाले आहे. रस्त्यावर उभ्या राहणाऱ्या वाहनांमुळे वाहतूकीचा प्रश्न निर्माण होत आहे. तसेच मेहकर शहरातून वाळूचे ट्रक अवजड वाहने नेहमी सुरू राहतात. मात्र याकडे स्थानिक पोलिसांचे दुर्लक्ष होत आहे. शहरातून होणाऱ्या या जड वाहतूकीमुळे अपघाताच्या घटना वाढत आहेत.