आता सैन्य भरतीही ऑनलाइन

वेळ व पैशाची होणार बचत: कसोटीत बसत नसल्यास ऑनलाइन करणार ‘रिजेक्ट’

बुलडाणा : नेहमीसाठी खुल्या पध्दतीने होणारी सैन्य भरती आता बंद करण्यात आली असून यापुढे सैन्यभरती सुध्दा ऑनलाईन पध्दती होणार आहे. यामुळे ग्रामीण भागातून भरतीसाठी येणार्‍या तरुणांच्या वेळ आणि पैशाची बचत होणार आहे. येत्या सप्टेबर महिण्यात होऊ घातलेल्या भरतीमध्ये प्रथमच हा प्रयोग केल्या जाणार असल्याचे संकेत जिल्हा सैनिक कार्यालयाकडून मिळाले आहेत. येत्या सप्टेबर महिन्यात राज्यातील विविध जिल्ह्यात सैन्य भरती होणार आहे. पूर्वी वेगवेगळ्या जिल्ह्यात होणार्‍या भरतीसाठी उमेदवारांना कोणताही अर्ज न करता थेट भरतीसाठी येण्याची मुभा होती. बरेचवेळा उमेदवार शारिरीक चाचण्या आणि मैदाणी चाचण्यामध्ये उतरल्यानंतर त्यांना दोन-दोन दिवस पुढील प्रक्रीयेसाठी मुक्काम करावा लागत असे. मात्र त्यानंतरच्या तात्रीक बाबीमध्ये ते बसत नसल्यामुळे त्यांना परत जावे लागे.यामध्ये उमेदवाराचा वेळ व पैसा वाया जात होता. आता ऑनलाईन सैन्य भरतीसाठी ह्यजॉईन इंडियन आर्मी डॉड नीक डॉट इनह्ण ही वेबसाईट बनविण्यात आली आहे. त्यावरच उमेदवारांना ऑनलाईन नोंदणी करून अर्ज करावा लागणार आहे. भरती प्रक्रिया सुरू होण्याच्या ४५ दिवसांपूर्वी या संकेतस्थळावर नोंदणी सुरू करण्यात येणार आहे. भरती जाहीर झाल्यानंतर तरुणांना लॉग-इन करण्याची सुविधा साईटवर सुरू करण्यात येईल. ऑनलाईन नोंदणी करताना उमेदवारांकडे आवश्यक ती पात्रतेची कागदपत्रे तयार असणे आवश्यक आहे. पूर्वी खुल्या भरतीप्रक्रिये दरम्यान एखाद्या कसोटीत अनुत्तीर्ण होणार्‍या उमेदवाराचा जाण्या-येण्याचा, निवास-भोजनाचा खर्च व्यर्थ जात होता. आता ऑनलाईन प्रक्रियेमुळे, एखाद्या कसोटीत बसत नसल्यास त्याला ऑनलाईनच ह्यरिजेक्टह्ण करण्यात येईल. त्यामुळे निदान त्याचा खर्च तरी होणार नाही. तर निकषात बसणार्‍या तरुणांना याच संकेतस्थळावर पुढील परीक्षा व शारीरिक चाचण्यांसाठी ह्यअँडमिट कार्डह्ण देण्यात येणार आहे, यामुळे उमेदवारांना कोणताही खर्च न येता आपण भरती प्रक्रीयेत बसतो कींवा नाही हे ऑनलाईन समजेल. परिणामी त्याच्चा पुढील होणारा खर्च व पैशाची बचत होणार आहे. याशिवाय ग्रामीण भागातील तरुणांना भरती प्रक्रिये संदर्भात सविस्तर माहिती सैन्यदलाच्या या साईटवर वेळोवेळी उपलब्ध होणार आहे.