दुचाकी अपघातात एक ठार, एक गंभीर

सिंदखेडराजा तालुक्यात येत असलेल्या साखरखेर्डा जवळील मोहाडी येथील विक्रम कोंडू इंगळे व सखाराम इंगळे दुचाकीने चिखलीकडे येत असताना, चिखली एमआयडीसी जवळ कुत्रा आडवा आल्यामुळे दुचाकी क्रमांक एमएच २८ एम २५२४ वरील चालकाचे वाहनावरील नियंत्रण चुकले व दुचाकी सिमेंटवर स्लीप होऊन दूरपर्यंत फरफटत गेली. या गंभीर अपघातात सखाराम इंगळे (वय ७२) यांचा जागीच मृत्यू झाला तर, विक्रम कोंडू इंगळे (वय ५८) हे गंभीर जखमी झाले आहे. दरम्यान, जखमी विक्रम इंगळे यांना उपचारार्थ औरंगाबाद येथे हलविण्यात आले आहे. या अपघातातील सखाराम इंगळे यांचा मृतदेह उत्तरीय तपासणीसाठी स्थानिक ग्रामीण रुग्णालयात आणण्यात आला होता. शवविच्छेदनानंतर मृतदेह कुटुंबीयांकडे सोपविण्यात आला. मृत सखाराम इंगळे यांच्या पश्चात पत्नी, दोन मुले व तीन मुली असा परिवार आहे. या अपघातामुळे परिसरात हळहळ व्यक्त होत आहे.

..............................