नानाजी देशमुख कृषी संजीवनी प्रकल्पांतर्गत ई ग्रामसभेचे आयोजन

गावाचे सरपंच, उपसरपंच, ग्रामपंचायत सदस्य, कृषी ताई, कृषिमित्र, गावातील प्रगतिशील शेतकरी, समूह सहायक, ग्रामसेवक, कृषी सहायक व कृषी विभागातील इतर अधिकारी तसेच गावकरी यांच्या सकारात्मक प्रेरणेने मौजे भालेगाव, ता. मलकापूर येथे ई-ग्रामसभेचे यशस्वीपणे आयोजन केले. सुरुवातीला प्राथमिक स्वरूपात भालेगाव येथील समूह सहायक उमेश जगताप, कृषी सहायक काकासाहेब दळवी, ग्रामसेवक व्ही. आर. धांडगे, सरपंच तेजस घुले पाटील व उपसरपंच प्रीती वराडे यांची प्राथमिक एकत्र बैठक घेऊन त्यामध्ये गावातील लोकांना मायक्रोस्पॉस्ट टिम्स ॲप डाऊनलोड करायला सांगितले. सोबत ग्राम कृषी संजीवनी समितीची रचना कशी असते ते परिपत्रकाद्वारे समजावून सांगितले़ गावात असलेले शेतकरी गट, परिसरात असलेले शेतकरी उत्पादक कंपनी यांचे सहकार्य घेऊन शेतकऱ्याच्या शेतमालाला हमी भावापेक्षा जास्त दर कसा मिळेल यासंदर्भात चर्चा झाली. तसेच गावाची पाण्याची गरज, उपलब्ध होणारे पाणी व त्याची संरक्षित सिंचनाची व्यवस्था करणे यावर चर्चा ग्रामसभेत करण्यात आली.

या उपविभागामध्ये ३ ई-ग्रामसभा यशस्वीपणे झालेल्या आहेत. ई-ग्रामसभा ही नवीन संकल्पना असल्यामुळे नवनियुक्त सरपंचांनीसुद्धा उत्साहाने पुढाकार घेऊन ग्रामसेवक, समूह सहायक व कृषी सहायक यांच्या सकारात्मक प्रतिसाद असल्यामुळे सदर ग्रामसभा उत्साहात पार पडली. ई-ग्रामसभा यशस्वी करण्याकरिता सरपंच तेजस घुले पाटील, ग्रामसेवक धांडगे, कृषी सहायक काकासाहेब दळवी, समूह सहायक उमेश जगताप यांनी प्रयत्न केले.