लॉटरीच्या दुकानावर धाड ; १४ जणांना अटक

--

मे.ए.सो.हायस्कूलच्या प्राचार्य पदी संध्या कोरान्ने यांची नियुक्ती

मेहकर : येथील मे.ए.सो. हायस्कूल तथा ज्युनियर कॉलेजच्या प्राचार्य पदी संध्या कोरान्ने यांची १ सप्टेंबर रोजी नियुक्ती करण्यात आली असून, त्यांनी मान्यवरांच्या उपस्थितीत पदग्रहण केले आहे. अध्यक्षस्थानी संस्थेचे अध्यक्ष रवींद्र अवस्थी हे होते. तर प्रमुख अतिथी उपाध्यक्ष वंदना दीक्षित,सचिव हर्षल सोमण, कोषाध्यक्ष प्रमोद मुळे, संचालक नीरज देशपांडे, मोहन ठोसर, माजी प्राचार्य गणेश कुलकर्णी, प्राचार्य सुधीर मुळे, सूत्रसंचालन व आभार शिवप्रसाद थुट्टे यांनी केले.

--

प्रधानमंत्री मातृवंदना सप्ताहाला जिल्ह्यात सुरुवात

बुलडाणा : प्रधानमंत्री मातृवंदना योजनेंतर्गत मातृवंदना सप्ताहाला १ सप्टेंबरपासून सुरूवात झाली आहे. दरम्यान, हा सप्ताह ७ सप्टेंबरपर्यंत राबवण्यात येत आहे. ही योजना केंद्र शासनाची महत्वाकांक्षी योजना आहे. या योजनेंतर्गत १ जानेवारी २०१७ रोजी अथवा तद्नंतर पहिल्यांदा ज्या मातांची प्रसूती झाली आहे किंवा गर्भधारणा झाली असेल व त्यांनी कोणत्याही शासकीय आरोग्य संस्थेत नोंदणी केली असेल, अशा पात्र महिलांना प्रधानमंत्री मातृवंदना योजनेचा लाभ पहिल्या अपत्यासाठी देण्यात येतो.