नवनिर्वाचित ग्रा.पं.सदस्यांच्या सत्काराचे आयोजन

चिखली : चिखली मतदारसंघातील नवनिर्वाचित ग्रामपंचायत सदस्यांचा सत्कार समारंभ चिखली काँग्रेसने आयोजित केला आहे. २३ जानेवारी रोजी आयोजित या सोहळ्याला राज्याच्या महिला व ग्रामविकास मंत्री तथा बुलडाणा जिल्हा संपर्क मंत्री ना.यशोमती ठाकूर यांच्याहस्ते हा सत्कार होणार आहे.

स्थानिक मौनीबाबा संस्थानमध्ये सकाळी ११ वाजता आयोजित या सोहळ्याच्या अध्यक्षस्थानी काँग्रेसचे जिल्हाध्यक्ष माजी आ. राहुल बोंद्रे राहणार आहेत. पालकमंत्री डॉ. राजेंद्र शिंगणे यांची विशेष उपस्थिती राहणार आहे. आ. राजेश एकडे, जि.प.अध्यक्ष मनिषा पवार, उपाध्यक्ष कमल बुधवत, जि.प.सभापती ज्योती पडघान, माजी आ. बाबूराव पाटील, रा.काँ.जिल्हाध्यक्ष अ‍ॅड.नाझेर काझी, माजी जि.प.अध्यक्ष प्रा.नरेंद्र खेडेकर, माजी आ. हर्षवर्धन सपकाळ, दिलीपकुमार सानंदा, म.प्र.सरचिटणीस अ‍ॅड.गणेशराव पाटील, श्याम उमाळकर, विजय अंभोरे, संजय राठोड, स्वाती वाकेकर, ज्ञानेश्वर पाटील, लक्ष्मणराव घुमरे, जि.प.सदस्य शरद हाडे, युवक काँग्रेस जिल्हाध्यक्ष मनोज कायंदे, राम डहाके, ज्योती ढोकणे, अ‍ॅड. जावेद, प्रमोद अवसरमोल, शैलेश खेडकर, दीपक देशमाने, भाई विजय गवई, तेजेंद्र चैव्हाण, बुलडाणा पं.स.सभापती उषा चाटे, जि.प.सदस्य जयश्री शेळके, गोदावरी धमक, साधना जाधव, हिना तब्बसुम रिजवान सौदागर, शिवसेनेचे कपिल खेडेकर, श्रीराम झोरे, राष्ट्रवादीचे गजानन वायाळ, रवि तोडकर, बाजार समिती सभापती ज्ञानेश्वर सुरूशे, उपसभापती राजीव जावळे आदींची प्रमुख उपस्थिती राहणार असून, या सोहळ्यास उपस्थित राहावे, असे आवाहन तालुकाध्यक्ष विष्णू पाटील कुळसुंदर, कार्याध्यक्ष नंदू शिंदे, शहराध्यक्ष अतहर काझी, विधानसभाध्यक्ष बाळु साळोख, तालुकाध्यक्ष मनोज लाहुडकर यांच्यासह जिल्हा व चिखली काँग्रेसच्या विविध सेल व पदाधिकाऱ्यांनी केले आहे. (वा. प्र.)