डाेणगाव ते शेलगाव रस्त्याची दुरुस्ती करा

डोणगाव : डाेणगाव ते शेलगाव व शेलगाव ते इश्वी या रस्त्यांची गत काही दिवसांपासून दयनीय अवस्था झाली आहे. या रस्त्याची तातडीने दुरुस्ती करण्याची मागणी स्वाभिमानीचे जिल्हाध्यक्ष डॉ. ज्ञानेश्वर टाले यांनी केली आहे. मागणी मान्य न झाल्यास आंदाेलन करण्याचा इशारा दिला आहे.

डाेणगाव ते शेलगाव व शेलगाव ते इश्वी या रस्त्यांची दयनीय अवस्था झाली आहे. रस्त्यांवर माेठ माेठे खड्डे पडल्याने वाहनचालकांना तारेवरची कसरत करावी लागत आहे. रस्त्याचे काम करताना डांबराचा वापर कमी झाल्याने काही महिन्यातच या रस्त्यांची दुरवस्था झाली आहे. रस्त्याची देखभालदुरुस्ती असलेल्या विभागाचे याकडे दुर्लक्ष हाेत आहे. खड्डे चुकवण्याच्या प्रयत्नात या रस्त्यावर अपघात वाढले आहेत. या रस्त्यावर कुठले अपघात झाल्यास संबंधित विभागाला जबाबदार धरून त्यांच्यावर मनुष्यवधाचा गुन्हा दाखल करावा, अशी मागणी निवेदनामध्ये स्वाभिमानीचे जिल्हाध्यक्ष डॉ. ज्ञानेश्वर टाले यांनी केली आहे. तसेच या रस्त्यावरील खड्डे बुजवून नूतनीकरण करावे, अशी मागणी निवेदनात केली आहे. या संबंधीचे निवेदन जिल्हाधिकारी बुलडाणा तसेच कार्यकारी अभियंता मुख्यमंत्री ग्रामसडक योजना यांना देण्यात आले आहे. निवेदनाची दखल न घेतल्यास आंदाेलन करण्याचा इशारा निवेदनात दिला आहे.