हरणी येथे संत सेवालाल महाराज जयंती उत्साहात

अमडापूर : चिखली तालुक्यातील हरणी येथे संत सेवालाल महाराज जयंती उत्साहात साजरी करण्यात आली. यानिमित्ताने आयोजित केलेल्या कार्यक्रमात प्रदेश युवक काँग्रेसचे सचिव राम डहाके यांनी संत सेवालाल महाराज हे सत्य, निष्ठा व कर्मावर विश्वास ठेवणारे मानवतावादी संत होते, असे सांगितले. गावातील महिला, पुरुष व तरुणांनी पारंपरिक वेशभूषा परिधान करून भक्तिभावाने यावेळी भजनाचा कार्यक्रम घेत महारांजाच्या प्रतिमेचे पूजन केले. सेवालाल महाराजांनी जीवनात सत्य, निष्ठा व कर्मानेच मनुष्य मोठा होतो, असा उपदेश दिला होता.

यावेळी रायसिंग महाराज, बाबूसिंग चव्हाण, विलास चव्हाण, शिवलाल चव्हाण, दुर्योधन चव्हाण, दयाळू महाराज, मधुकर चव्हाण, अरविंद जाधव, वसंता राठोड, गणेश चव्हाण, संतोष जाधव, विनोद जाधव, तारासिंग महाराज, विलास जाधव यांच्यासह मोठ्या संख्येने महिला, युवक व ग्रामस्थ उपस्थित होते.