अमडापूरच्या सरपंच, सदस्यांच्या अपात्रता आदेशाला स्थगिती

अमरावतीच्या अपर आयुक्तांचे आदेश

बुलढाणा : चिखली तालुक्यातील अमडापूर येथील सरपंच व सदस्य यांच्यावरील आपात्रतेच्या आदेशाला अमरावती विभागाचे अपर आयुक्त गजेंद्र बावने यांनी स्थगिती दिली आहे. याप्रकरणात १५ जून २०२३ रोजी सुनावणी करण्यात येणार असल्याचे अपर आयुक्तांनी गुरूवारी आदेशाद्वारे स्पष्ट केले आहे. 

राजकीय दृष्ट्या महत्वाच्या असलेल्या अमडापूर येथील ग्रामपंचायतचे वातावरण सध्या ढवळून निघाले आहे. अमडापूर येथील सरंपच वैशाली संजयकुमार गवई यांना शासकीय जमिनीवर अतिक्रमण केल्यामुळे अपर जिल्हाधिकाऱ्यांनी अपात्र घोषित केले आहे. तसेच ग्रामपंचायत सदस्य संजयकुमार सुखदेव गवई यांनाही ग्रामपंचायत अधिनीयमानुसार अपर जिल्हाधिकाऱ्यांनी अपात्र घोषित केले आहे. दरम्यान, या आदेशाविरुद्ध सरपंच व सदस्य यांनी अपर आयुक्तांकडे अर्ज सादर केला होता. त्यानुसार अपर आयुक्त गजेंद्र बावने यांनी स्थगिती अर्ज मंजूर केला असून, या प्रकरणात १५ जून २०२३ रोजी सुनावनी करण्यात येणार आहे. अमडापूर ग्रामपंचायतचे राजकीय वातावरण सध्या चांगलेच तापले आहे.